iPhone 13 | లాంచ్‌లో ద‌మ్ మారో ద‌మ్ సాంగ్‌తో ట్విస్ట్ ఇచ్చిన ఆపిల్.. వీడియో
ఐఫోన్ 13 ( iPhone 13 ) లాంచ్ వీడియోలో పాపుల‌ర్ బాలీవుడ్ సాంగ్ ద‌మ్ మారో ద‌మ్ మ్యూజిక్ బ్యాక్‌గ్రౌండ్‌లో వాడ‌టం చాలా మందిని ఆశ్చర్యానికి గురి చేసింది.
ప్ర‌తి ఏటా ఆపిల్ లాంచ్ ఈవెంట్ కోసం టెక్ ల‌వర్స్ అంద‌రూ ఆస‌క్తిగా ఎదురుచూస్తారు. లాంచ్ చేసే ప్రోడ‌క్ట్స్‌తోపాటు వాటిని లాంచ్ చేసే విధానంలోనూ ఆపిల్ త‌న‌దైన మార్క్ చూపిస్తుంది. అయితే ఈసారి మాత్రం ఓ కొత్త ట్విస్ట్ ఇచ్చింది ఆపిల్. ఐఫోన్ 13 ( iPhone 13 ) లాంచ్ వీడియోలో పాపుల‌ర్ బాలీవుడ్ సాంగ్ ద‌మ్ మారో ద‌మ్ మ్యూజిక్ బ్యాక్‌గ్రౌండ్‌లో వాడ‌టం చాలా మందిని ఆశ్చర్యానికి గురి చేసింది. ఫోన్ లాంచ్ అయిన‌ప్ప‌టి నుంచీ దాని ఫీచ‌ర్ల కంటే ఎక్కువ‌గా సోష‌ల్ మీడియాలో ఈ మ్యూజిక్‌పైనే చ‌ర్చ జ‌రుగుతోంది.
ఆపిల్ సంస్థ ద‌మ్ మారో ద‌మ్ మ్యూజిక్ వాడ‌ట‌మేంట‌ని నెటిజ‌న్లు చ‌ర్చించుకుంటున్నారు. క్యూప‌ర్టినోలో జ‌రిగిన ఈవెంట్‌లో ఫోన్‌ను లాంచ్ చేయ‌డానికి సీఈవో టిమ్ కుక్ వ‌స్తున్న స‌మ‌యంలోనూ ఇదే మ్యూజిక్ వినిపించింది. ఆర్టిస్ట్ ఫూట్సీ క్రియేట్ చేసిన ప్ర‌మోష‌న‌ల్ వీడియో ప్రారంభంలోనే ఈ మ్యూజిక్ వినిపిస్తుంది. స‌రికొత్త ఫీచ‌ర్ల‌తో వ‌చ్చిన ఈ ఐఫోన్ 13 ఈ నెల 24 నుంచి ఇండియాలోనూ అందుబాటులోకి రానున్న విష‌యం తెలిసిందే.
Read Today's Latest News News in Telugu and Telugu News
- Follow Us :
-
