Farmers | ఉల్లి సాగు రైతులకు రూ. 8 వేల ఆర్థిక సహాయం

Farmers | వికారాబాద్‌ జిల్లా ఉద్యానవన శాఖ ద్వారా ఉల్లి పంట సాగు చేస్తున్న రైతులకు ఉద్యానవన మిషన్‌ ద్వారా ఎకరాకు రూ.8వేల చొప్పున ఆర్థిక సహాయం (సబ్సిడీ) అందించడం జరుగుతుందని జిల్లా ఉద్యానవన శాఖ అధికారి సత్తార్‌ ఆదివారం ఒక ప్రకటనలో తెలిపారు.

Farmers | వికారాబాద్‌, జూలై 6 : వికారాబాద్‌ జిల్లా ఉద్యానవన శాఖ ద్వారా ఉల్లి పంట సాగు చేస్తున్న రైతులకు ఉద్యానవన మిషన్‌ ద్వారా ఎకరాకు రూ.8వేల చొప్పున ఆర్థిక సహాయం (సబ్సిడీ) అందించడం జరుగుతుందని జిల్లా ఉద్యానవన శాఖ అధికారి సత్తార్‌ ఆదివారం ఒక ప్రకటనలో తెలిపారు. ఈ పథకాన్ని పొందాలనుకునే రైతులు పంట వేసిన వెంటనే సంబంధిత వ్యవసాయ విస్తరణ అధికారుల వద్ద తమ పంట వివరాలను నమోదు చేయించుకోవాలన్నారు.

అనంతరం ఆ వివరాలు ఆన్‌లైన్‌లో నమోదు చేసిన పిమ్మటే సబ్సిడీ వర్తింపజేయబడుతుందని తెలిపారు. ఈ సబ్సిడీ ఒక రైతుకు కనీసం 1 ఎకరం నుంచి గరిష్ఠంగా 5 ఎకరాల వరకే వర్తిస్తుందన్నారు. దరఖాస్తు కోసం పట్టాదారు పాస్‌బుక్‌ , ఆధార్‌ కార్డు, బ్యాంక్‌ అకౌంట్‌ జిరాక్స్‌లు, పాస్‌ పోర్ట్‌ సైజ్‌ ఫోటోలు 2 అందజేయాలన్నారు. ఈ అవకాశాన్ని రైతులందరూ తప్పకుండా వినియోగించుకోవాలని సూచించారు. ఈ వారంలోపు దరఖాస్తు చేసుకోవాలన్నారు. నిల్వ గోదాములపై అదనపు సబ్సిడీ ఉల్లి ఉత్పత్తికి తోడుగా నిల్వ గోదాముల నిర్మాణం కోసం కూడా సబ్సిడీ అందుబాటులో ఉంటుందన్నారు. 25 మెట్రిక్‌ టన్నుల సామర్థ్యంతో గల నిల్వ గోదాం నిర్మాణానికి యూనిట్‌కు రూ.1,25,000 సబ్సిడీ (50%) అందించబడుతోందని, రైతులు దీన్ని కూడా ఉపయోగించుకోవాలని సూచించారు.