అభివృద్ధికి ఆకర్షితులై.. బీఆర్ఎస్లో చేరిక
సీఎం కేసీఆర్ ప్రవేశపెట్టిన సంక్షేమ పథకాలకు ఆకర్షితులై బీజేపీ, కాంగ్రెస్ పార్టీలకు చెందిన చాలా మంది బీఆర్ఎస్ పార్టీలో చేరుతున్నారని మంత్రి సబితారెడ్డి అన్నారు. బడంగ్పేట మున్సిపల్ కార్పొరేషన్ పరిధిలోని కుర్మల్గూడ ఇందిరానగర్కు చెందిన బీజేపీ, కాంగ్రెస్ పార్టీల శ్రేణులు మంత్రి సమక్షంలో బీఆర్ఎస్ పార్టీలో చేరారు.
- విద్యాశాఖ మంత్రి సబితాఇంద్రారెడ్డి
- భారత్ రాష్ట్ర సమితిలో చేరిన బీజేపీ, కాంగ్రెస్ పార్టీలకు చెందిన నాయకులు, కార్యకర్తలు
- కాంగ్రెస్, బీజేపీ శ్రేణులు బీఆర్ఎస్లో చేరిక
- గులాబీ కండువా కప్పి పార్టీలోకి ఆహ్వానించిన మంత్రి సబితారెడ్డి
బడంగ్పేట, మే 21 : సీఎం కేసీఆర్ ప్రవేశపెట్టిన సంక్షేమ పథకాలకు ఆకర్షితులై బీజేపీ, కాంగ్రెస్ పార్టీలకు చెందిన చాలా మంది బీఆర్ఎస్ పార్టీలో చేరుతున్నారని మంత్రి సబితారెడ్డి అన్నారు. బడంగ్పేట మున్సిపల్ కార్పొరేషన్ పరిధిలోని కుర్మల్గూడ ఇందిరానగర్కు చెందిన బీజేపీ, కాంగ్రెస్ పార్టీల శ్రేణులు మంత్రి సమక్షంలో బీఆర్ఎస్ పార్టీలో చేరారు. వారికి మంత్రి గులాబీ కండువా కప్పి పార్టీలోకి ఆహ్వానించారు. ఈ సందర్భంగా మంత్రి మాట్లాడుతూ.. పార్టీ కోసం పనిచేస్తున్న వారికి సముచిత స్థానం ఉంటుందన్నారు. పార్టీలో పాత కొత్త భేదం లేకుండా అందరినీ సమన్వయం చేస్తూ పార్టీ బలోపేతానికి కృషి చేస్తున్నామన్నారు. మహేశ్వరం నియోజకవర్గంలో మరోసారి బీఆర్ఎస్ పార్టీ జెండాను ఎగురవేయడానికి ప్రతీ కార్యకర్త కంకణబద్ధులై పనిచేయాలన్నారు. కార్యకర్తలే పార్టీకి పట్టుకొమ్మలన్నారు. ప్రతి కుటుంబానికి బీఆర్ఎస్ ప్రభుత్వం ప్రవేశపెట్టిన సంక్షేమ పథకాలు అందుతున్నాయన్నారు. పార్టీలకతీతంగా అర్హులకు పథకాలు అందజేస్తున్నామని మంత్రి తెలిపారు.
అభివృద్ధి, సంక్షేమమే బీఆర్ఎస్ పార్టీ ఎజెండా..
మహేశ్వరం : రాష్ట్రంలో జరుగుతున్న అభివృద్ధి పనులకు ఆకర్షితులై సిరిగిరిపురం గ్రామానికి చెందిన కాంగ్రెస్, బీజేపీ నాయకులు బీఆర్ఎస్ పార్టీ యూత్ అధ్యక్షుడు దయాల శ్రీను ఆధ్వర్యంలో మంత్రి సబితారెడ్డి సమక్షంలో బీఆర్ఎస్ పార్టీలో చేరారు. ఈ సందర్భంగా మంత్రి మాట్లాడుతూ.. సీఎం కేసీఆర్ ప్రవేశపెడుతున్న సంక్షేమ కార్యక్రమాలకు ఆకర్షితులై కాంగ్రెసు, బీజేపీల శ్రేణులు బీఆర్ఎస్లోకి చేరుతున్నారని పేర్కొన్నారు. అభివృద్ధి, సంక్షేమమే బీఆర్ఎస్ పార్టీ ఎజెండా అని మంత్రి తెలిపారు. బీఆర్ఎస్ పార్టీలో ప్రతి ఒక్కరికి సముచిత స్థానం లభిస్తుందన్నారు. ప్రతి ఒక్కరూ అభివృద్ధి కార్యక్రమాలను ప్రజల్లోకి తీసుకుపోవాలని ఆమె పార్టీ శ్రేణులకు సూచించారు. కాంగ్రెస్, బీజేపీల సీనియర్ నాయకులు ఆవ మల్లేశ్, గూడ సురేశ్, దండుగుల హరీశ్ బీఆర్ఎస్ పార్టీలో చేరారు. కార్యక్రమంలో కేసీ తండా సర్పంచ్ మోతీలాల్ నాయక్, హర్షగూడ ఎంపీటీసీ విజయ్కుమార్, ఉపసర్పంచ్ రవినాయక్, బీఆర్ఎస్ పార్టీ గ్రామ శాఖ అధ్యక్షుడు రాములు, గ్రామ శాఖ అధ్యక్షురాలు అలివేలు ఉన్నారు.
Read Today's Latest Rangareddy News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

