Miss behave | బాలిక‌కు బొమ్మ‌లిస్తాన‌ని న‌మ్మించి అస‌భ్య ప్ర‌వ‌ర్తన

Miss behave | వీరముష్టి నరేష్ (45) అనే వ్యక్తి బొమ్మలు ఇస్తానని చెప్పి చిన్నారులను తన వెంట తీసుకెళ్లాడు. అనంతరం చిన్నారిని బలవంతంగా పట్టుకుని, ఆమె పట్ల అసభ్యంగా ప్రవర్తించేందుకు ప్రయత్నించాడు.

Miss behave | చేవెళ్ల పోలీస్ స్టేషన్ పరిధిలోని జర్నలిస్ట్ కాలనీలో చిన్నారిపై అసభ్యంగా ప్రవర్తించిన ఘటనలో ఒక వ్యక్తిపై పోలీసులు కేసు నమోదు చేశారు. వివరాల్లోకి వెళ్తే.. నవంబ‌ర్ 4వ తేదీన ఉదయం చిన్నారి తల్లిదండ్రులు పనికి వెళ్లగా, చిన్నారి ఇంటి వద్ద తన తమ్ముడితో కలిసి ఉంది. మధ్యాహ్నం సుమారు 2 గంటల సమయంలో అదే కాలనీకి చెందిన కూలి పని చేసుకునే వీరముష్టి నరేష్ (45) అనే వ్యక్తి బొమ్మలు ఇస్తానని చెప్పి చిన్నారులను తన వెంట తీసుకెళ్లాడు. అనంతరం చిన్నారిని బలవంతంగా పట్టుకుని, ఆమె పట్ల అసభ్యంగా ప్రవర్తించేందుకు ప్రయత్నించాడు.

ఈ క్రమంలో చిన్నారి ప్రతిఘటించడంతో, అదే భవనంలోని పై అంతస్తులో ఉన్న ఒక మహిళ గమనించి నిందితుడిని మందలించింది. దీంతో అతను చిన్నారిని వదిలిపెట్టగా.. చిన్నారులు అక్కడి నుంచి ఇంటికి చేరుకున్నారు. సాయంత్రం తల్లిదండ్రులు ఇంటికి వచ్చిన అనంతరం చిన్నారి జరిగిన విషయాన్ని వారికి వివరించింది. దీంతో బాధితురాలి తల్లి పోలీస్ స్టేషన్‌లో ఫిర్యాదు చేయగా, చేవెళ్ల పోలీసులు కేసు నమోదు చేసి దర్యాప్తు చేపట్టారు.

చిన్నారుల భద్రత పట్ల తల్లిదండ్రులు అప్రమత్తంగా ఉండాలని, పిల్లలను ఒంటరిగా వదిలే పరిస్థితుల్లో తగిన జాగ్రత్తలు తీసుకోవాలని ఫ్యూచర్ సిటీ కమిషనరేట్ ప‌రిధిలోని చేవెళ్ల పోలీస్‌ స్టేషన్ ఇన్‌స్పెక్టర్ ఆఫ్ పోలీస్ కే నరేందర్ రెడ్డి సూచించారు.

Read Also :

DMHO Narendra Rathod | వైద్యసేవలో ఆటంకాలు లేకుండా సేవలు అందించాలి : డీఎంహెచ్‌వో నరేందర్ రాథోడ్

Dharmaram | లయన్స్ క్లబ్ ఆధ్వర్యంలో ధర్మారంలో షుగర్ నిర్దారణ పరీక్షలు

Regina Cassandra | దక్షిణాది సినిమాలపై బాలీవుడ్‌ నటుల విమర్శలు సరికాదు: రెజీనా కసాండ్రా!