సాగుకు సన్నద్ధం
వికారాబాద్ జిల్లాలో యాసంగి వ్యవసాయ పనులు జోరందుకున్నాయి. జిల్లాలోని పలు మండలాల్లో రైతులు వేరుశనగ విత్తనాలు వేసే పనుల్లో బిజీగా ఉన్నారు. ఇటీవల వర్షాలు అనుకూలంగా కురవడంతో రైతులు సాగు పనులకు సన్నద్ధమయ్యారు.
- వేరుశనగ విత్తనాలు వేస్తున్న రైతులు
- జిల్లాలో 15 వేల ఎకరాల్లో సాగు
బొంరాస్పేట, అక్టోబర్ 3 : వికారాబాద్ జిల్లాలో యాసంగి వ్యవసాయ పనులు జోరందుకున్నాయి. జిల్లాలోని పలు మండలాల్లో రైతులు వేరుశనగ విత్తనాలు వేసే పనుల్లో బిజీగా ఉన్నారు. ఇటీవల వర్షాలు అనుకూలంగా కురవడంతో రైతులు సాగు పనులకు సన్నద్ధమయ్యారు. వానకాలంలో మెట్ట పొలాల్లో పెసర, బెబ్బెర్లు, మినుములు తదితర పంటలను సాగు చేయగా చేతికి వచ్చాయి. వాటి స్థానంలో యాసంగిలో వేరుశనగను సాగు చేస్తుంటారు. పొలాలను చదును చేసుకుని సిద్ధంగా ఉంచుకున్న రైతులు వర్షాలు కురిసిన వెంటనే విత్తనాలు వేస్తున్నారు.
జిల్లాలో సుమారు 15 వేల ఎకరాల్లో వేరుశనగ పంటను రైతులు సాగు చేయనున్నారు. వర్షాకాలంలో సాగు చేసిన వేరుశనగ కంటే యాసంగిలో సాగు చేసిన వేరుశనగ పంట దిగుబడి అధికంగా వస్తుంది. జిల్లాలోని బొంరాస్పేట మండలంలోనే అత్యధికంగా నాలుగు వేలకుపైగా ఎకరాల్లో వేరుశనగ పంటను సాగు చేయనున్నారు. వ్యవసాయ బోర్ల కింద ఆరుతడి పంటగా తుంపర్ల పరికరాల ద్వారా నీరందించి దీనిని సాగు చేస్తారు. ఫిబ్రవరి నెలాఖరులో, మార్చి మొదటి వారంలో పంట చేతికి వస్తుంది. దిగుబడి బాగా వస్తే ఎకరాకు ఏడు క్వింటాళ్ల వరకు వస్తుంది. మార్కెట్లో క్వింటాలు వేరుశనగకు రూ.6 వేల వరకు ధర పలుకుతుంది.
ప్రభుత్వం వేరుశనగ విత్తనాలను రైతులకు గతంలో రాయితీపై అందించేది. రాయితీ విత్తనాల సరఫరా నిలిచిపోవడంతో రైతులు బయట మార్కెట్లో విత్తనాలను కొనుగోలు చేస్తున్నారు. గతంలో విత్తనాల కోసం వేరుశనగ కాయలను కొనుగోలు చేసి మరల్లో నూర్పిడి చేసి వచ్చిన పలుకును పొలంలో విత్తనాలుగా వేసేవారు. ఇదంతా ప్రయాసతో కూడుకున్నది కావడంతో రైతులు నేరుగా పలుకులనే కొనుగోలు చేస్తున్నారు. మార్కెట్లో క్వింటాలు పలుకులకు రూ.12 నుంచి రూ.13 వేల వరకు చెల్లించి కొనుగోలు చేస్తున్నారు.
కనిపించని నాగళ్లు
వేరుశనగ విత్తనాలు వేయడానికి రైతులు ఎద్దులతో నాగళ్లను ఉపయోగించేవారు. రానురాను పశు సంపద తగ్గడం, నాగళ్లతో విత్తనాలు వేస్తే ఎక్కువ రోజులు సమయం తీసుకుంటుండడంతో ట్రాక్టర్లను వినియోగిస్తున్నారు. గంట వ్యవధిలో ఎకరా పొలంలో విత్తనాలు వేస్తుండగా.. రూ.1500 చెల్లిస్తున్నారు. విత్తనాలు వేయడానికి ట్రాక్టర్లు రావడంతో ఎక్కడా నాగళ్లు కనిపించడంలేదు.
పంటలకు పందుల బెడద
రైతులు ఎన్నో ఆశలతో సాగు చేసే వేరుశనగ పంటకు అడవి పందుల బెడద తప్పడంలేదు. విత్తనాలు వేసినప్పటి నుంచి అడవి పందులు పొలాల్లో పడి పాడుచేస్తుంటాయి. ముఖ్యంగా పంటకు ఊడలు దిగి కాయ గట్టిపడే సమయంలో పంటను నాశనం చేస్తుంటాయి. పందులను తరమడానికి రైతులు పొలాల వద్ద కాపలా కాస్తుంటారు. పొలం చుట్టూ పాత చీరలను, ఇనుప తీగలను కంచెగా వేసి పంటలను కాపాడుకునే ప్రయత్నం చేస్తుంటారు. అయినా ఎక్కడో ఓ మూలకు గుంపులుగా వచ్చి పంటలపై పడి నష్టం కలిగిస్తుంటాయి.
Read Today's Latest Rangareddy News in Telugu and Telugu News
- Tags
- farmers
- groundnut seeds
- seeds
RELATED ARTICLES
తాజా వార్తలు
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
BJP MLA Rekha Patra Critical | బెంగాల్ బీజేపీ ఎమ్మెల్యే రేఖా పాత్ర పరిస్థితి విషమం.. వెంటిలేటర్ సపోర్ట్పై చికిత్స
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

