Kotagiri | కోటగిరిలో భక్తిశ్రద్ధలతో శ్రీ వాసవీ కన్యకా పరమేశ్వరీ జయంతి వేడుకలు

ఆర్యవైశ్యులకు అత్యంత పవిత్రమైన, ముఖ్యమైన పండగ అయిన శ్రీ వాసవీ కన్యకా పరమేశ్వరి జయంతి వేడుకలను ఆర్యవైశ్య సంఘం అధ్యక్షుడు కొండరాజు, పోల విఠల్ రావు గుప్తా ఆధ్వర్యంలో కోటగిరి మండల కేంద్రంలోని శ్రీ నగరేశ్వర మందిరంలో ఆదివారం ఘనంగా నిర్వహించారు.

Kotagiri | కోటగిరి, ఏప్రిల్ 26 : ఆర్యవైశ్యులకు అత్యంత పవిత్రమైన, ముఖ్యమైన పండగ అయిన శ్రీ వాసవీ కన్యకా పరమేశ్వరి జయంతి వేడుకలను ఆర్యవైశ్య సంఘం అధ్యక్షుడు కొండరాజు, పోల విఠల్ రావు గుప్తా ఆధ్వర్యంలో కోటగిరి మండల కేంద్రంలోని శ్రీ నగరేశ్వర మందిరంలో ఆదివారం ఘనంగా నిర్వహించారు.

ఈ సందర్భంగా నిర్వాహకులు మాట్లాడుతూ అహింస ,ఆత్మ అభిమానం, ధర్మ పరిరక్షణకు ప్రతీకగా నిలిచిన అమ్మవారిని స్మరిస్తూ వైశ్యులు ఈ పండుగను అత్యంత భక్తిశ్రద్ధలతో జరుపుకుంటారని తెలిపారు. అమ్మవారికి ప్రత్యేక అభిషేకాలు కుంకుమార్చనలు కలశ పూజలు నిర్వహించారు. వాసవీ మాతను అధిపారాశక్తి స్వరూపంగా కొలిచారు. ఈ సందర్భంగా శోభాయాత్రను ఘనంగా నిర్వహించారు. ఈ కార్యక్రమంలో పోల అశ్విన్ కుమార్, మాషెట్టి గణేష్, మహేష్, నరేందర్, శ్రీనివాస్, రమేష్ తదితరులు పాల్గొన్నారు.