హాప్కిన్ బయోఫార్మాకు సాంకేతికత బదిలీ
న్యూఢిల్లీ, జూన్ 2: దేశంలో కొవాగ్జిన్ టీకా ఉత్పత్తిని పెంచడం కోసం భారత్ బయోటెక్ సంస్థ ముంబైకి చెందిన హాప్కిన్ బయోఫార్మాతో టీకా తయారీ టెక్నాలజీని పంచుకోనున్నది. హాప్కిన్ సంస్థ ఏడాదికి 22.8 కోట్ల డోసులను ఉత్పత్తి చేయనున్నది. ‘అర్హులైన అందరికీ వేగంగా టీకా అందించేందుకు ఉత్పత్తిని పెంచుతున్నాం. ఇందులో భాగంగా మూడు ప్రభుత్వం ఫార్మా సంస్థలకు ఆత్మ నిర్భర్ భారత్ 3.0 మిషన్ కొవిడ్ సురక్షా కింద డిపార్ట్మెంట్ ఆఫ్ బయోటెక్నాలజీ మద్దతు ఇస్తున్నది. అందులో హాప్కిన్ సంస్థ ఒకటి’ అని శాస్త్ర, సాంకేతిక మంత్రిత్వశాఖ బుధవారం ఒక ప్రకటనలో తెలిపింది. హాప్కిన్తో పాటు హైదరాబాద్లోని ఇండియన్ ఇమ్యూనోలాజికల్ లిమిటెడ్, బులంద్షహర్లోని భారత్ ఇమ్యూనోలాజికల్స్ అండ్ బయాలాజికల్స్ లిమిటెడ్ టీకాలను ఉత్పత్తి చేయనున్నాయి.