CPGET : రేపు సీపీగెట్‌ ఫలితాలు విడుదల

CPGAT : తెలంగాణలోని వివిధ విశ్వవిద్యాలయాల్లో ఎంఏ, ఎమ్మెస్సీ, ఎంకాం తదితర పీజీ కోర్సుల్లో ప్రవేశాల కోసం నిర్వహించిన కామన్‌ పోస్ట్‌ గ్రాడ్యుయేట్‌...

October 20, 2021 / 07:57 PM IST

హైదరాబాద్‌ : తెలంగాణలోని వివిధ విశ్వవిద్యాలయాల్లో ఎంఏ, ఎమ్మెస్సీ, ఎంకాం తదితర పీజీ కోర్సుల్లో ప్రవేశాల కోసం నిర్వహించిన కామన్‌ పోస్ట్‌ గ్రాడ్యుయేట్‌ టెస్ట్‌ (సీపీగెట్‌) ఫలితాలు గురువారం విడుదలకానున్నాయి. ఈ ఫలితాలను ఉన్నత విద్యామండలి చైర్మన్‌ ప్రొఫెసర్‌ ఆర్‌ లింబాద్రి, ఉస్మానియా యూనివర్సిటీ వైస్‌చాన్స్‌లర్‌ ప్రొఫెసర్‌ డీ రవీందర్‌ విడుదల చేయనున్నారు. కాకతీయ, తెలంగాణ, పాలమూరు, మహత్మాగాంధీ, శాతవాహన, జేఎన్టీయూ, ఉస్మానియా తదితర యూనివర్సిటీల్లోని పీజీ కోర్సుల్లో ప్రవేశాలకు రాత పరీక్షలను నిర్వహించారు. మొత్తం 50 సబ్జెక్టులకు సంబంధించి రాత పరీక్షలను నిర్వహించగా.. 78,312 గాను 68,836 విద్యార్థులు హాజరయ్యారు. విద్యార్థుల ర్యాంకులను విడుదల చేయనున్నట్లు సీపీగెట్‌ కన్వీనర్‌ ప్రొఫెసర్‌ పాండురంగారెడ్డి తెలిపారు.