గోల్డ్‌ నిఫ్టీ 50

మనలో చాలామంది బంగారం కొంటే లాభమా?.. స్టాక్‌ మార్కెట్లలో మదుపు చేస్తే లాభమా?.. అన్న దైలమాలో ఉంటారు. అయితే భౌతిక బంగారం, ఈక్విటీలు రెండూ దీర్ఘకాల పెట్టుబడి సాధనాలే.

• పదేండ్ల క్రితం పెట్టిన పెట్టుబడిపై ఎందులో ఎంత రాబడి?

మనలో చాలామంది బంగారం కొంటే లాభమా?.. స్టాక్‌ మార్కెట్లలో మదుపు చేస్తే లాభమా?.. అన్న దైలమాలో ఉంటారు. అయితే భౌతిక బంగారం, ఈక్విటీలు రెండూ దీర్ఘకాల పెట్టుబడి సాధనాలే. కనుక ఈ రెండింటిపై పెట్టే పెట్టుబడులను స్వల్పకాలానికి ఏది లాభమన్నది తేల్చలేం. కాబట్టి పదేండ్ల క్రితం అటు బంగారంపై, ఇటు నిఫ్టీ 50లో రూ.10 లక్షల చొప్పున పెట్టుబడి పెడితే ఇప్పుడు మదుపరికి ఎంత? రావచ్చన్నది ఒక్కసారి చూద్దాం. అంతకంటేముందు బంగారంపట్ల భారతీయుల వైఖరి, స్టాక్‌ మార్కెట్ల చరిత్రను పరిశీలిద్దాం.

బంగారం

• మన దేశంలో భౌతిక బంగారానికి సహజ స్వరూపం నగలే.
• భారతీయులు బంగారాన్ని తమ ప్రతిష్టకు, సంపదకు ప్రతిరూపంగా భావిస్తారు.
• ఇటీవల సురక్షిత పెట్టుబడి సాధనంగా కూడా పరిగణిస్తున్నారు.
• ఆభరణాలు, నాణేలు, కడ్డీలు, బిస్కట్ల రూపంలో పుత్తడిని కొంటున్నారు.
• ఇంట్లో శుభకార్యాలతోపాటు దీపావళి తదితర పండుగలు, అక్షయ తృతీయ, ధనత్రయోదశి రోజుల్లో ఎక్కువగా కొనుగోళ్లు.
• జ్యుయెల్లర్స్‌, బ్యాంకులు, వ్యాపారుల ద్వారా జరుగుతున్న పసిడి లావాదేవీలు.
• నగల రూపంలో బంగారం కొన్నప్పుడు అందులో తయారీ, తరుగు చార్జీలుంటాయి. తిరిగి అమ్మినప్పుడు వాటిని మినహాయించి చెల్లించడం జరుగుతుంది.
• పసిడి అమ్మకాల ద్వారా ఆదాయం పొందినప్పుడు స్వల్ప లేదా దీర్ఘకాల మూలధన లాభాల పన్నును చెల్లించాల్సి ఉంటుంది.
• బంగారం అనేది ఎంతో విలువైన లోహం. అపహరణకు వీలెక్కువ. అందుకే భద్రంగా నిల్వ చేసుకోవాల్సిన అవసరం ఉంటుంది.

నిఫ్టీ 50

• ఎన్‌ఎస్‌ఈ నిఫ్టీ అనేది.. భారత్‌లోని రెండు ప్రధాన స్టాక్‌ మార్కెట్‌ సూచీల్లో ఒకటి. మరొకటి బీఎస్‌ఈ సెన్సెక్స్‌.
• 1996 ఏప్రిల్‌ 21న నిఫ్టీ 50 మొదలైంది. బ్యాంకింగ్‌, ఐటీ, మెటల్స్‌, ఫార్మా వంటి 12 రంగాలకు చెందిన టాప్‌ 50 కంపెనీలు ఇందులో నమోదై ట్రేడ్‌ అవుతూ ఉంటాయి.
• నిఫ్టీ 50లోని కంపెనీల మూలాలు బలమైనవి. వాటి వ్యాపారాలు పెద్ద ఎత్తున సాగుతాయి. కాబట్టే దేశంలోని అత్యంత స్థిరమైన సూచీల్లో నిఫ్టీ కూడా ఒకటిగా ఉంటున్నది.
• నిజానికి ఎన్‌ఎస్‌ఈలో నిఫ్టీ 50 అనేది ప్రధాన ఇండెక్స్‌. దీంతోపాటు నిఫ్టీ నెక్స్‌ 50, నిఫ్టీ ఐటీ, నిఫ్టీ బ్యాంక్‌ సూచీలూ ఉన్నాయి.
  ఇదీ సంగతి..
• 2014లో బంగారంపై సురేశ్‌ రూ.10 లక్షల పెట్టుబడి పెట్టారు. ఈ పదేండ్లలో పసిడి ధరల్లో వార్షిక వృద్ధిరేటు 12.18 శాతంగా నమోదైంది. అంటే 2014 అక్టోబర్‌లో 24 క్యారెట్‌ 10 గ్రాములు (తులం) రూ.25,500గా ఉన్నది. ఇప్పుడు రూ.82,400. దీన్నిబట్టి రూ.10 లక్షల పెట్టుబడి విలువ కాస్తా దాదాపు రూ.31,55, 294.12కు చేరుతుంది.
• ఇక పదేండ్ల క్రితమే నిఫ్టీ 50 షేర్లలోనూ రూ.10 లక్షల పెట్టుబడిని సురేశ్‌ పెట్టారు. 2014 అక్టోబర్‌లో నిఫ్టీ 50 ఉన్న స్థాయితో పోల్చితే ఇప్పుడున్న స్థాయి 11.31 శాతం ఎక్కువ. దీన్నిబట్టి సదరు రూ.10 లక్షల పెట్టుబడి రూ.29,19,971.16 కోట్లకు చేరుతుంది. దాదాపు రెండూ ఒకే స్థాయిలో రాబడులను పంచుతున్నాయి. అయితే బంగారం ధరల్లో హెచ్చుతగ్గులున్నట్టే.. స్టాక్‌ మార్కెట్లలోనూ ఒడిదొడుకులు సహజం.