డెల్టా వేరియంట్ : బ్రిట‌న్‌లో ద‌ర్యాప్తున‌కు రంగంలోకి సైన్యం

ఐరోపాలో డెల్టా వేరియంట్ గురించి ప్ర‌పంచ ఆరోగ్యం సంస్థ (డ‌బ్ల్యూహెచ్ఓ) హెచ్చరిక జారీ చేసింది. డెల్టా వేరియంట్ విస్తరించ‌కుండా క‌ఠిన చ‌ర్య‌లు తీసుకోవాల‌ని డ‌బ్ల్యూహెచ్ఓ బ్రిటన్ ప్ర‌భుత్వానికి సూచించింది

June 11, 2021 / 03:26 PM IST

డెల్టా వేరియంట్ : బ్రిట‌న్‌లో ద‌ర్యాప్తున‌కు రంగంలోకి సైన్యం

బ్లాక్‌బ‌ర్న్ : ఐరోపాలో డెల్టా వేరియంట్ గురించి ప్ర‌పంచ ఆరోగ్యం సంస్థ (డ‌బ్ల్యూహెచ్ఓ) హెచ్చరిక జారీ చేసింది. డెల్టా వేరియంట్ విస్తరించ‌కుండా క‌ఠిన చ‌ర్య‌లు తీసుకోవాల‌ని డ‌బ్ల్యూహెచ్ఓ బ్రిటన్ ప్ర‌భుత్వానికి సూచించింది. ఈ మేర‌కు డ‌బ్ల్యూహెచ్ఓ యూరప్ డైరెక్టర్ డాక్టర్ హన్నెస్ క్లూగే బ్రిట‌న్ అధికారుల‌కు సందేశం పంపించారు. యూరప్‌లోని చాలా ప్రాంతాలు ఈ వేరియంట్‌కు గురయ్యే అవకాశం ఉన్న‌దని, ఈ వేరియంట్‌పై అన్ని టీకాలు ప్రభావవంతంగా ఉండవని ఆయన తెలిపారు. అయితే, ఇటీవలి వారాల్లో ఇన్‌ఫెక్ష‌న్‌ రేటు తగ్గిందని డబ్ల్యూహెచ్‌ఓ తెలిపింది.

డెల్టా వేరియంట్ కారణంగా కొత్త కరోనా కేసులు పెరుగుతున్నాయి. వీటికి సంబంధించి పెద్ద ఎత్తున దర్యాప్తు చేప‌ట్టేందుకు సైన్యాన్ని రంగంలోకి దించారు. బ్లాక్‌బ‌ర్న్‌, డార్వెన్ నగరాల్లోని వందలాది మంది సైనిక సిబ్బంది ఆరోగ్య కార్యకర్తలకు సహాయం చేస్తున్నారు. బ్లాక్‌బర్న్‌లోని 55 కేంద్రాల్లో కరోనాకు పరీక్షించి టీకాలు వేస్తున్నారు. ‘సాయుధ దళాలు ఆరోగ్య కార్యకర్తలకు సైనిక బ‌ల‌గాలు సహాయం చేస్తున్నాయి. వారు టీకాలు, ఇతర సామగ్రిని టీకా కేంద్రాలకు పంపుతున్నారు. టీకా కోసం శాంతియుత ఏర్పాట్లు చేయ‌డంతోపాటు టీకా సమయంలో అవసరమైన చోటకు సైన్యాన్ని పంపుతున్నారు’ అని బ్రిటన్ రక్షణ కార్యదర్శి బెన్ వాలెస్ తెలిపారు.