Sunny Leone Re-entry with Manchu Vishnu | ఢి, దేనికైనా రెడి, దూసుకెళ్తా వంటి చిత్రాలతో మంచి నటుడిగా గుర్తింపు తెచ్చుకున్నాడు మంచు విష్ణు. దూసుకెళ్తా తర్వాత మంచు విష్ణు ఇప్పటివరకు సోలో హిట్ను సాధించలేకపోయాడు. ఓకే జోనర్లో సినిమాలు చేయడంతో ప్రేక్షకులకు కూడా బోర్ కొట్టి ఈయన సినిమాలను థియేటర్లలో చూసేందుకు ఆసక్తి చూపడంలేదు. లేటెస్ట్గా ఈయన మరో చిత్రానికి శ్రీకారం చుట్టారు. ఇషాన్ సూర్య దర్శకత్వంలో తెరకెక్కుతున్న ఈ చిత్రంలో విష్ణు గాలి నాగేశ్వరరావు పాత్రలో నటిస్తున్నాడు.ఈ క్యారెక్టర్ డిజైన్ చేసిన స్కెచ్ ని సోషల్ మీడియాలో మంచు విష్ణు విడుదల చేసిన విషయం తెలిసిందే. ఈ చిత్రంలో రాజ్పుత్ పాయిల్ హీరోయిన్గా నటిస్తుంది.
తాజాగా ఈ చిత్రంలోకి బాలీవుడ్ హీరోయిన్ సన్నీలియోన్ జాయిన్ అయింది.ఈ చిత్రంలో రేణుక పాత్రలో నటిస్తున్నట్లు సన్నీలియెన్ తన ఇన్స్టాగ్రామ్లో పోస్ట్ చేసింది. ప్రస్తుతం ఈచిత్రం తిరుపతిలో షూటింగ్ జరుపుకుంటుంది. ఈరోజు సన్నీలియోన్ ఈ చిత్ర షూటింగ్లో పాల్గొంది. గతంలో మంచు మనోజ్ హీరోగా తెరకెక్కిన ‘కరెంట్ తీగ’ చిత్రంతో తెలుగులోకి ఎంట్రీ ఇచ్చింది. ఈసారి మంచు విష్ణుతో రీ ఎంట్రీ ఇస్తుంది. ఇందులో సన్నీ పాత్ర కేవలం గ్లామర్కే పరిమితం కాకుండా కథను మలుపు తిప్పే పాత్రలో నటించనుందట. ఈ చిత్రానికి ప్రముఖ రచయిత,నిర్మాత కోన వెంకట్ కథ, స్క్రీన్ప్లే అందిస్తున్నాడు. అనూప్ రుబెన్స్ ఈ చిత్రానికి సంగీతం అందిస్తున్నాడు.