సౌదీ కొత్త నియ‌మం : మ‌సీదుల్లో లౌడ్‌స్పీక‌ర్ల వినియోగంపై ఆంక్ష‌లు

సౌదీ అరేబియా క్రౌన్ ప్రిన్స్ కొత్త నియ‌మం తీసుకొచ్చాడు. మ‌సీదుల్లో ప్రార్థ‌న‌లు చేయ‌డానికి, ఉప‌న్యాసాలు ప్ర‌సారం చేసేందుకు లౌడ్ స్పీక‌ర్ల‌ను వినియోగించ‌కూడ‌దంటూ ఆంక్ష‌లు విధించారు.

June 3, 2021 / 08:56 PM IST

సౌదీ కొత్త నియ‌మం : మ‌సీదుల్లో లౌడ్‌స్పీక‌ర్ల వినియోగంపై ఆంక్ష‌లు

దుబాయ్ : సౌదీ అరేబియా క్రౌన్ ప్రిన్స్ కొత్త నియ‌మం తీసుకొచ్చాడు. మ‌సీదుల్లో ప్రార్థ‌న‌లు చేయ‌డానికి, ఉప‌న్యాసాలు ప్ర‌సారం చేసేందుకు లౌడ్ స్పీక‌ర్ల‌ను వినియోగించ‌కూడ‌దంటూ ఆంక్ష‌లు విధించారు. ప్ర‌స్తుతం ఉన్న‌లౌడ్ స్పీక‌ర్ల ధ్వ‌నిని మూడో వంతు వ‌ర‌కు త‌గ్గించాల‌ని సౌదీ పాల‌కుడు మొహ‌మ్మ‌ద్ బిన్ స‌ల్మాన్ ఆదేశాలు జారీ చేశారు. దేశ ఇస్లామిక్ వ్యవహారాల మంత్రిత్వ శాఖ ఈ ఉత్త‌ర్వులు జారీ చేసింది. మసీదుల ప‌రిస‌రాల్లోని చాలా మంది తల్లిదండ్రులు, నివాసితుల నుంచి అందిన‌ ఫిర్యాదుల మేర‌కు ఈ చ‌ర్య‌ల‌కు ఉప‌క్ర‌మించారు.

ప్రార్థనలు చేయాలనుకునే వారు ఇక‌ ఇమామ్ స్వరం కోసం వేచి ఉండాల్సిన అవ‌స‌రం లేద‌ని డిపార్ట్‌మెంటల్ మంత్రి అబ్దుల్లాతీఫ్ అల్-షేక్ చెప్పారు. ముస్లింలకు అజాన్, నమాజ్ చేసేందుకు నిర్ణీత సమయం ఉంటున్నందున‌.. వీటిని పెద్ద గొంతుతో ప్రసారం చేయాల్సిన అవసరం లేదన్నారు. “కొంతమంది ప్రభుత్వ నిర్ణయాన్ని విమర్శించడం ద్వారా ప్రజలను రెచ్చగొట్టాలని చూసున్నార‌ని, ఇది మంచిది కాదు. వారు విజయం సాధించలేరన్నారు.

సౌదీ ప్రభుత్వం తీసుకున్న ఈ నిర్ణయాన్ని చాలా మంది ప్రజలు స్వాగతించారు. దీనిని సోషల్ మీడియాలో ‘భవిష్యత్ నిర్ణయం’ అని పిలుస్తున్నారు. ఈ నిర్ణయం కొంతమందిని కలవరపెడుతుంది, అయితే, చాలా మందికి ఇది ఎంతో బాగుందని మొహమ్మద్ అల్ యాహ్యా అన్నారు.