తెలంగాణలో ఇంటర్‌ ప్రాక్టికల్‌ పరీక్షలు వాయిదా

ఇంటర్‌ ప్రాక్టికల్స్‌ పరీక్షలు వాయిదా | రాష్ట్రంలో కరోనా మహమ్మారి ఉధృతి, లాక్‌డౌన్‌ నేపథ్యంలో తెలంగాణ ఇంటర్‌ బోర్డు కీలక నిర్ణయం తీసుకుంది.

హైదరాబాద్‌ : రాష్ట్రంలో కరోనా మహమ్మారి ఉధృతి, లాక్‌డౌన్‌ నేపథ్యంలో తెలంగాణ ఇంటర్‌ బోర్డు కీలక నిర్ణయం తీసుకుంది. ఈ నెల 29వ తేదీ నుంచి జరగాల్సిన ఇంటర్‌ ప్రాక్టికల్స్‌ను వాయిదా వేస్తున్నట్లు బోర్డు కార్యదర్శి సయ్యద్‌ ఒమర్‌ జలీల్‌ ప్రకటించారు. జూన్‌ మొదటి వారంలో పరిస్థితి సమీక్షించి నిర్ణయం తీసుకుంటామని గురువారం తెలిపారు. ప్రాక్టికల్‌ పరీక్షలకు నిర్వహించే 15 రోజుల ముందు షెడ్యూల్‌ ప్రకటిస్తామని పేర్కొన్నారు. విద్యార్థులు, తల్లిదండ్రులు గమనించాలని కోరారు. దీంతో ఈ నెల 29 నుంచి జూన్‌ 7వ తేదీ వరకు జరగాల్సిన ప్రాక్టికల్స్‌ నిలిచిపోయాయి. వాస్తవానికి ఏప్రిల్‌ 7 నుంచి పరీక్షలు జరుగాల్సి ఉండగా.. కరోనా కేసుల పెరుగుదల నేపథ్యంలో మే 29 – జూన్ 7వ తేదీ వరకు వాయిదా వేసిన విషయం తెలిసిందే. రాష్ట్రంలో ప్రస్తుతం లాక్‌డౌన్‌ కొనసాగుతున్న నేపథ్యంలో మరోసారి ప్రాక్టికల్స్‌ను వాయిదా వేస్తూ నిర్ణయం తీసుకుంది.

ఇవి కూడా చదవండి..

అమెరికాలో మళ్లీ కాల్పుల మోత.. ఎనిమిది మంది మృతి

మెహుల్‌ చోక్సీ దొరికాడు..

12 సంవత్సరాలు పైబడిన వారికి మా వ్యాక్సిన్‌ సురక్షితం : ఫైజర్‌

బాదుడే బాదుడు.. 14వసారి పెరిగిన పెట్రోల్‌, డీజిల్‌ ధరలు

కరోనా మూలాలపై మూడు నెలల్లో తేల్చాలి.. ఇంటెలిజెన్స్‌కు బైడెన్‌ ఆదేశం

దేశంలో 24 గంటల్లో 2.11లక్షల కరోనా కేసులు

సరయూ నదిలో తేలిన మృతదేహాలు

హనుమాన్‌ జన్మస్థలంపై తిరుమలలో ప్రారంభమైన చర్చలు

జూలై 5న అమెజాన్‌ సీఈఓ పదవి తప్పుకోనున్న జెఫ్‌ బెజోస్‌