డిబేట్ ఇలాగేనా : టీవీ చ‌ర్చ‌లో ఎంపీని కొట్టిన ఇమ్రాన్ మాజీ స‌ల‌హాదారు

తాజాగా పాకిస్తాన్ ప్ర‌ధాని ఇమ్రాన్‌ఖాన్ మాజీ స‌ల‌హాదారు.. ప్ర‌తిప‌క్ష పార్టీ ఎంపీ చెంప ప‌గ‌ల‌గొట్టింది. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.

June 10, 2021 / 07:49 PM IST

డిబేట్ ఇలాగేనా : టీవీ చ‌ర్చ‌లో ఎంపీని కొట్టిన ఇమ్రాన్ మాజీ స‌ల‌హాదారు

ఇస్లామాబాద్ : టీవీ చ‌ర్చ‌ల్లో జోరుగా ఆరోప‌ణ‌లు, ప్ర‌త్యారోప‌ణ‌లు చేసుకోవ‌డం మ‌నం చూస్తుంటాం. ఒక్కోసారి ఆవేశం ప‌ట్ట‌లేక కొట్టుకునే దాకా వెళ్లిన సంఘ‌ట‌న‌లు కూడా ఉన్నాయి. తాజాగా పాకిస్తాన్ ప్ర‌ధాని ఇమ్రాన్‌ఖాన్ మాజీ స‌ల‌హాదారు.. ప్ర‌తిప‌క్ష పార్టీ ఎంపీ చెంప ప‌గ‌ల‌గొట్టింది. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.

పంజాబ్ ప్రావిన్స్ ముఖ్య‌మంత్రికి స్పెష‌ల్ అసిస్టెంట్‌గా వ్య‌వ‌హరిస్తున్న డాక్ట‌ర్ ఫిర్దౌస్ ఆశిఖ్‌.. మొన్న‌టి వ‌ర‌కు ప్ర‌ధానమంత్రికి స‌ల‌హాదారుగా సేవ‌లందించారు. గురువారం ఒక టీవీ షోలో అవినీతిపై చ‌ర్చకు డాక్ట‌ర్ ఫిర్దౌస్ ఆశిఖ్‌తో పాటు పాకిస్తాన్ పీపుల్స్ పార్టీ (పీపీపీ) పార్ల‌మెంట్ స‌భ్యుడు ఖాదిర్ మాండోఖేల్ హాజ‌ర‌య్యారు. చ‌ర్చ‌లో వాదోపవాదాలు ర‌స‌రంజుగా సాగుతున్న త‌రుణంలో ఇమ్రాన్ ప్ర‌భుత్వ హ‌యాంలో అవినీతి బాగా పెరిగిపోయింద‌ని, ఇది అవినీతి ప్ర‌భుత్వ‌మ‌ని ఆరోప‌ణ‌లు గుప్పించాడు. ఆరోప‌ణ‌లు రుజువు చేయాల‌ని ఫిర్దౌస్ స‌వాల్ విసిరినా ఖాదిర్ ప‌ట్టించుకోలేదు. దాంతో ఫిర్దౌస్ కోపం న‌శాలానికి అంటింది. ఒక్క‌సారిగా కుర్చిలో నుంచి లేచిన ఫిర్దౌస్‌.. ఖాదిర్ కాల‌ర్ ప‌ట్టుకుని ఆ చెంపా ఈ చెంపా వాయించారు. ఈ ఘ‌ట‌న‌తో నిశ్చేష్టులైన టీవీ క్రూ.. అనంత‌రం తేరుకుని వారిద్ద‌రు మ‌రింత కొట్టుకోకుండా చూశారు.

అయితే, అంత‌కు ముందు విరామం స‌మ‌యంలో ఫిర్దౌస్ తండ్రిపై ఖాదిర్ అనుచిత వ్యాఖ్య‌లు చేయ‌డం వ‌ల్ల ఆమె చాలా హ‌ర్ట్ అయ్యార‌ని, ఇదే కోపాన్ని లైవ్‌లో ప్ర‌ద‌ర్శించి చెంప ప‌గుల‌గొట్టార‌ని టీవీ క్రూ చెప్తున్నారు.