FIFA-Saudi Aramco | ఇంటర్నేషనల్ ఫెడరేషన్ ఆఫ్ అసోసియేషన్ (ఫిఫా)తో సౌదీ అరేబియా ప్రభుత్వ రంగ చమురు సంస్థ సౌదీ ఆరామ్కో జత కట్టనున్నది. 2037 ఫిఫా వరల్డ్ కప్ ఆతిథ్య హక్కులను సౌదీ అరేబియా గతేడాది అక్టోబర్లో గెలుచుకున్నది. ఈ నేపథ్యంలో ఫిఫా’ స్పాన్సరర్గా సౌదీ అరామ్కో ఎంపికవ్వడం ప్రాధాన్యం సంతరించుకున్నది.
అమెరికా, కెనడా, మెక్సికో ఉమ్మడిగా ఆతిథ్యమిచ్చే 2026 ఫిఫా పురుషుల ప్రపంచకప్, 2027 మహిళా వరల్డ్ కప్ టోర్నమెంట్ల నుంచి ఫిఫాకు సౌదీ ఆరామ్ కో స్పాన్సరర్గా ఉండనున్నది. టోర్నమెంట్ ఆతిథ్యం ఎవరు ఇస్తారన్న విషయం వచ్చేనెలలో ఖరారు చేస్తారు. ఫిఫా-సౌదీ ఆరామ్ కో మధ్య స్పాన్సర్ షిప్ ఒప్పందం ఎంత అన్నది వెల్లడి కాకున్నా.. భారీ మొత్తం ఉంటుందని భావిస్తున్నారు. ఇందులో వచ్చే ఏడాది అమెరికా నిర్వహించే 32-టీమ్స్ వరల్డ్ కప్ కూడా జత కలుస్తుంది.
రష్యా ఆతిథ్యం ఇచ్చిన 2018-వరల్డ్ కప్ కంటే ముందు నుంచే సౌదీ అరేబియాతో జత కట్టేందుకు ఆ దేశ రాజు మహ్మద్ బిన్ సల్మాన్తో ఫిఫా అధ్యక్షుడు గియానీ ఇన్ ఫాంటినో సత్సంబంధాలు నెలకొల్పారు. 2034 వరల్డ్ కప్ ఆతిథ్య హక్కుల కోసం గతేడాది అక్టోబర్లో నిర్వహించిన బిడ్డింగ్లో సౌదీ అరేబియా ఒక్కటే నిలిచింది.