టైట్‌ అయితే.. ట్రబులే!

ఈరోజుల్లో కాలేజీ అమ్మాయిలే కాదు.. ఉద్యోగాలు చేసేవాళ్లూ జీన్స్‌ ధరిస్తున్నారు. కంఫర్ట్‌ కోసం బెల్ట్‌ కూడా పెట్టుకుంటారు. కానీ, చాలామంది బెల్టును చాలా టైట్‌గా ఉంచుకుంటారు.

ఈరోజుల్లో కాలేజీ అమ్మాయిలే కాదు.. ఉద్యోగాలు చేసేవాళ్లూ జీన్స్‌ ధరిస్తున్నారు. కంఫర్ట్‌ కోసం బెల్ట్‌ కూడా పెట్టుకుంటారు. కానీ, చాలామంది బెల్టును చాలా టైట్‌గా ఉంచుకుంటారు. ఈ అలవాటు దీర్ఘకాలంలో అనేక ఆరోగ్య సమస్యలను తెచ్చిపెడుతుందని నిపుణులు హెచ్చరిస్తున్నారు.

• బెల్ట్‌ బిగుతుగా పెట్టుకుంటే.. నరాల సమస్య పెరుగుతుంది. ఎక్కువ రోజులు అలాగే కొనసాగిస్తే.. రక్తనాళాల్లో రక్త సరఫరా మందగిస్తుంది. దీర్ఘకాలంలో ఉదర కండరాలపై ప్రతికూల ప్రభావం పడుతుంది.
• బెల్ట్‌ను టైట్‌గా ధరించడం వల్ల.. కడుపుపై ఒత్తిడి పెరుగుతుంది. దాంతో కడుపులోని ఆమ్లాలు గొంతులోకి చేరుతాయి. ఎసిడిటీ సమస్యలు వస్తాయి. కొందరిలో యాసిడ్‌ రిఫ్లెక్స్‌ కూడా ఎక్కువ అవుతుంది.
• కటి ప్రాంతంపై ఒత్తిడి పడటం వల్ల పునరుత్పత్తి అవయవాలు ప్రభావితం అవుతాయి. సంతానోత్పత్తిపైనా ప్రతికూల ప్రభావం పడుతుంది.
• ఇక బెల్టును బిగుతుగా ధరించడం వల్ల వెన్నెముక కూడా ఒత్తిడికి గురవుతుంది. వెన్నునొప్పి ఇబ్బంది పెడుతుంది. మోకీళ్లపై ఒత్తిడి పెరిగి.. భవిష్యత్తులో మోకాళ్ల నొప్పులు ఎక్కువ అవుతాయి.
• బదులుగా.. వదులుగా ఉండే బెల్టులను ధరించాలి. శరీర కొలతలకు తగ్గట్టుగా ప్యాంటు సైజును ఎంచుకోవాలి. బెల్టు మాత్రమే కాదు, బిగుతు దుస్తులు ధరించినా.. ఇలాంటి సమస్యలే వస్తాయి. కాబట్టి, దుస్తులు కొంచెం వదులుగా ఉండేలా చూసుకోవాలి.