ఎంపీలో దుర్మార్గం : క‌రోనా రోగిపై మ‌గ న‌ర్సు లైంగిక‌దాడి

మధ్యప్రదేశ్ రాజ‌ధాని భోపాల్‌లోని ప్రభుత్వ దవాఖాన‌లో దారుణం చోటుచేసుకున్న‌ది. క‌రోనా వైర‌స్‌కు గురై ద‌వాఖాన‌లో చికిత్స పొందుతున్న రోగిపై మగ నర్సు లైంగిక‌దాడికి పాల్ప‌డిన‌ట్లు పోలీసులు తెలిపారు. ఇది జ‌రిగిన‌ 24 గంటల్లోనే ఆ బాధిత మహిళ తుది శ్వాస విడవ‌డం విషాదక‌రం.

May 14, 2021 / 10:21 PM IST

ఎంపీలో దుర్మార్గం : క‌రోనా రోగిపై మ‌గ న‌ర్సు లైంగిక‌దాడి

భోపాల్: మధ్యప్రదేశ్ రాజ‌ధాని భోపాల్‌లోని ప్రభుత్వ దవాఖాన‌లో దారుణం చోటుచేసుకున్న‌ది. క‌రోనా వైర‌స్‌కు గురై ద‌వాఖాన‌లో చికిత్స పొందుతున్న రోగిపై మగ నర్సు లైంగిక‌దాడికి పాల్ప‌డిన‌ట్లు పోలీసులు తెలిపారు. ఇది జ‌రిగిన‌ 24 గంటల్లోనే ఆ బాధిత మహిళ తుది శ్వాస విడవ‌డం విషాదక‌రం.

భోపాల్ న‌గ‌రానికి చెందిన 43 ఏండ్ల‌ మహిళ గ‌త నెల 6 వ తేదీన క‌రోనా వైర‌స్‌కు గురై భోపాల్ మెమోరియల్ హాస్పిటల్ అండ్ రీసెర్చ్ సెంటర్‌లో చికిత్స పొందుతున్న‌ది. కాగా, చికిత్స కేంద్రంలో ఎవ‌రూ లేనిది గ‌మ‌నించిన మ‌గ న‌ర్స్ సంతోష్ అహిర్వార్ ఆమెపై లైంగిక‌దాడికి పాల్ప‌డ్డాడు. ఈ విష‌యాన్ని స‌ద‌రు మ‌హిళ ద‌వాఖాన సిబ్బందికి, వైద్యుల‌కు ఉద‌యాన్నే వెల్ల‌డించింది. అదే స‌మయంలో ఆమె ప‌రిస్థితి విష‌మించ‌డంతో ఆమెను వెంటిలేట‌ర్ ఉన్న ఐసీయూకు త‌ర‌లించారు. అయిన‌ప్ప‌టికీ ఎలాంటి ఫ‌లితం లేక‌పోగా.. సాయంత్రం తుదిశ్వాస విడిచింది. మ‌హిళ‌పై లైంగిక‌దాడి జ‌రిగిన విష‌యాన్ని ద‌వాఖాన వైద్యులు పోలీసుల‌కు ఫిర్యాదు చేయ‌డంతో సంతోష్ అహిర్వార్‌పై నిషాత్పురా పోలీస్ స్టేష‌న్‌లో కేసు న‌మోదైంది. క‌రోనా రోగిపై లైంగిక‌దాడికి పాల్ప‌డిన మ‌గ న‌ర్సు సంతోష్ అహిర్వార్ ఇటీవ‌ల మ‌ద్యం సేవించి విధుల‌కు హాజ‌ర‌వ‌డంతో అధికారులు ఆయ‌న్ను విధుల నుంచి త‌ప్పంచారు.

ఈ బాధిత‌ మహిళ 1984 భోపాల్ గ్యాస్ దుర్ఘ‌ట‌న‌లో ప్రాణాలతో బయటపడి కోలుకున్న‌ట్లు అధికారులు చెప్పారు. మ‌హిళ‌పై లైంగిక దాడి అనంత‌రం భోపాల్ మెమోరియల్ హాస్పిటల్ రీసెర్చ్ సెంటర్‌లోని కోవిడ్ వార్డుల దయనీయమైన పరిస్థితిపై విప‌త్తు బాధితుల సంఘం అధికారులకు బలమైన లేఖ రాసింది.