ముమ్మరంగా వ్యాక్సినేషన్‌.. 18కోట్లకు చేరువలో..

ముమ్మరంగా వ్యాక్సినేషన్‌.. 18కోట్లకు చేరువలో.. | దేశంలో వ్యాక్సినేషన్‌ కార్యక్రమం ముమ్మరంగా సాగుతున్నది. ఇప్పటి వరకు దాదాపు 18 కోట్ల వరకు వ్యాక్సిన్‌ మోతాదులు పంపిణీ చేసినట్లు కేంద్ర ఆరోగ్యమంత్రిత్వశాఖ తెలిపింది.

న్యూఢిల్లీ : దేశంలో వ్యాక్సినేషన్‌ కార్యక్రమం ముమ్మరంగా సాగుతున్నది. ఇప్పటి వరకు దాదాపు 18 కోట్ల వరకు వ్యాక్సిన్‌ మోతాదులు పంపిణీ చేసినట్లు కేంద్ర ఆరోగ్యమంత్రిత్వశాఖ తెలిపింది. గురువారం రాత్రి 8 గంటల వరకు అందిన సమాచారం మేరకు 17,91,77,029 టీకాలు వేసినట్లు పేర్కొంది. మూడో దశ ప్రారంభమైన నాటి నుంచి రాష్ట్రాలు, కేంద్ర ప్రాంతాల్లో 18-44 మధ్య వయస్సున్న వారికి 39,14,688 డోసులు వేసినట్లు వివరించింది. ఇప్పటి వరకు వేసిన టీకాల్లో 96,16,697 మంది హెల్త్‌కేర్‌ వర్కర్లకు మొదటి డోసు, 66,02,553 మందికి రెండో డోసు వేసినట్లు పేర్కొంది. ఫ్రంట్‌లైన్‌ వారియర్స్‌లో 1,43,14,563 మందికి మొదటి, మరో 81,12,476 మందికి రెండో మోతాదు అందించినట్లు తెలిపింది.

అలాగే 18-44 మధ్య వయస్సున్న 39,14,688 మంది లబ్ధిదారులకు తొలి మోతాదు వేసినట్లు పేర్కొంది. 45-60 సంవత్సరాల మధ్య వారికి 5,65,82,401 మొదటి, 85,14,552 మందికి రెండో డోస్‌ వేసినట్లు ఆరోగ్యశాఖ చెప్పింది. 60 ఏళ్లు పైబడిన 5,42,32,598 మందికి మొదటి, 1,72,86,501 మందికి రెండో మోతాదు అందించినట్లు వివరించింది. టీకా డ్రైవ్‌ గురువారం నాటికి 118వ రోజుకు చేరగా.. నిన్న ఒకే రోజు 19,75,176 డోసులు పంపిణీ చేసినట్లు తెలిపింది. ఇందులో 10,10,856 మంది లబ్ధిదారులకు మొదటి, మరో 9,64,320 మంది లబ్ధిదారులకు రెండో మోతాదు అందజేసినట్లు చెప్పింది. కరోనా మహమ్మారి నుంచి ప్రజలను కాపాడేందుకు టీకా డ్రైవ్‌ కొనసాగుతుందని, కార్యక్రమాన్ని ఎప్పటికప్పుడు పర్యవేక్షిస్తున్నట్లు మంత్రిత్వశాఖ పేర్కొంది.

ఇవి కూడా చదవండి..

14.05.2021, శుక్రవారం.. మీ రాశిఫలాలు

తప్పనిసరి మాస్క్‌ నిబంధన ఎత్తివేసిన అమెరికా..

విషాదం.. తూర్పుగోదావరిలో లారీ బీభత్సం.. ఇద్దరు పోలీసులు మృతి

జపాన్‌లో భారీ భూకంపం

వాహనదారులకు షాక్‌.. మళ్లీ పెరిగిన పెట్రోల్‌, డీజిల్‌ ధరలు

జైళ్లపై కరోనా పంజా.. 120 మంది ఖైదీలకు పాజిటివ్‌.. ఇద్దరు మృతి

మళ్లీ పంజా విసరగలదు

వాయుమార్గంలో వ్యాక్సిన్‌!