జపాన్‌లో భారీ భూకంపం

జపాన్‌లో భారీ భూకంపం | జపాన్‌లోని హోన్‌షు తూర్పు తీరంలో భారీ భూకంపం సంభవించింది. రిక్టర్‌ స్కేల్‌పై 6.0 తీవ్రతతో భూ ప్రకంపనలు వచ్చాయని నేషనల్ సెంటర్ ఫర్ సీస్మోలజీ తెలిపింది.

టోక్యో : జపాన్‌లోని హోన్‌షు తూర్పు తీరంలో భారీ భూకంపం సంభవించింది. రిక్టర్‌ స్కేల్‌పై 6.0 తీవ్రతతో భూ ప్రకంపనలు వచ్చాయని నేషనల్ సెంటర్ ఫర్ సీస్మోలజీ తెలిపింది. అయితే సునామీ హెచ్చరికలు జారీ చేయలేదని, అయితే ఇప్పటి వరకు నష్టం జరిగినట్లు ఎలాంటి నివేదికలు అందలేదని పేర్కొంది. ఉదయం 5:28 గంటలకు భూకంపం సంభవించిందని తెలిపింది. ప్రసిద్ధ ఫుకుషిమా అణు విద్యుత్ కేంద్రానికి దగ్గరగా భూకంపం సంభవించినప్పటికీ ఇప్పటి వరకు.. ప్రకంపనల ప్రభావంపై నివేదికలు అందలేదని చెప్పింది.

ఈ నెల ప్రారంభంలో జపాన్ ఈశాన్య తీరంలో 6.6 తీవ్రతతో భూకంపం నమోదైందని జపాన్ వాతావరణ సంస్థ (జేఎంఏ) తెలిపింది. భూకంపం కేంద్రం పసిఫిక్ మహాసముద్రంలో 60 కిలోమీటర్ల లోతులో గుర్తించారు. దీంతో టోక్యోతో సహా దేశంలోని ఉత్తర, తూర్పు ప్రాంతాల్లో ప్రకంపనలు సంభవించాయని చెప్పింది. ‘రింగ్‌ ఆఫ్‌ ఫైర్‌’ పేరిట పిలిచే భూకంప జోన్‌లో జపాన్‌ ఉందని, దీంతో భారీ భూకంపాలు సంభవిస్తాయని అధికారులు పేర్కొన్నారు. 2011లో 9.0 తీవ్రతతో సంభవించిన భూకంపానికి సునామీ రాగా.. 15వేల మందికి పైగా మృతి చెందారు. అలాగే ఫుకుషిమా అణు కర్మాగార విపత్తుకూ కారణమైంది.

ఇవి కూడా చదవండి..

14.05.2021, శుక్రవారం.. మీ రాశిఫలాలు

తప్పనిసరి మాస్క్‌ నిబంధన ఎత్తివేసిన అమెరికా..

విషాదం.. తూర్పుగోదావరిలో లారీ బీభత్సం.. ఇద్దరు పోలీసులు మృతి

జైళ్లపై కరోనా పంజా.. 120 మంది ఖైదీలకు పాజిటివ్‌.. ఇద్దరు మృతి

మళ్లీ పంజా విసరగలదు

వాయుమార్గంలో వ్యాక్సిన్‌!