అందరిముందే అర్ధనగ్నంగా నిలబెట్టారు
ఉపాధి కూలీని అవమానించిన కాంగ్రెస్ నేతలు
జయశంకర్ భూపాలపల్లి జిల్లా కాటారo మండలంలో ఘటన
సోషల్ మీడియా లో వీడియో వైరల్
Bhupalapally | జయశంకర్ భూపాలపల్లి : బీఆర్ఎస్ అధినేత కేసీఆర్పై అభిమానంతో ఆయన ఫొటో ఉన్న టీషర్టును ఓ వృద్ధుడు ధరించాడు. ఆ వృద్ధుడి అభిమానాన్ని కాంగ్రెస్ నాయకులు ఓర్వలేకపోయారు. ఎర్రటి ఎండలో ఉపాధి హామీ పని చేస్తున్న ఆ వృద్ధుడి దగ్గరకు కాంగ్రెస్ నాయకులు వెళ్లి.. కేసీఆర్ ఫొటో ఉన్న టీ షర్టును విప్పించారు. తోటి కూలీల ముందు అర్ధనగ్నంగా నిలబెట్టారు. ఈ ఘటన జయశంకర్ భూపాలపల్లి జిల్లా కాటారం మండలం ఓడిపిలవంచ గ్రామంలో మంగళవారం వెలుగు చూసింది.
ఒడిపిలవంచ గ్రామంలో జరుగుతున్న ఉపాధి హామీ పనుల వద్దకు కాంగ్రెస్ పార్టీ నాయకులు ప్రచారం కోసం వెళ్లారు. అక్కడే పని చేస్తున్న పొన్న లస్మయ్య టీ షర్ట్ పై కేసీఆర్ ఫొటో, పెద్దపల్లి జెడ్పీ చైర్మన్ పుట్ట మధు ఫొటోలు ఉన్నాయి. అది చూసిన కాంగ్రెస్ నాయకులు వెంటనే అతని ఒంటిపై నుండి టీ షర్టును విప్పించి దూరంగా పడేశారు. ప్రచారం కొనసాగుతున్నంతసేపు లస్మయ్య అర్ధ నగ్నంగానే నిలబడి ఉన్నాడు. వారు వెళ్లిపోయాక లస్మయ్య మళ్లీ అదే టీషర్ట్ వేసుకొని పనుల్లో నిమగ్నమయ్యాడు. అక్కడే ఉన్న ఒక కూలీ ఈతంగాన్ని సెల్ ఫోన్లో చిత్రీకరించి వైరల్ చేశాడు.