Visit:
JNTU Flyover | హైదరాబాద్ : హైదరాబాద్ జేఎన్టీయూ ఫ్లై ఓవ‌ర్‌పై ఓ కారు బీభత్సం సృష్టించింది. అతి వేగంగా దూసుకొచ్చిన కారు.. డివైడ‌ర్‌ను ఢీకొట్టి ప‌ల్టీలు కొట్టింది. ఈ ప్ర‌మాదంలో కారులో ప్ర‌యాణిస్తున్న ఎవ‌రికీ గాయాలు కాలేదు. అంద‌రూ స్వ‌ల్ప గాయాల‌తో బ‌య‌ట‌ప‌డ్డారు.
స‌మాచారం అందుకున్న పోలీసులు ఘ‌ట‌నాస్థ‌లానికి చేరుకుని స‌హాయ‌క చ‌ర్య‌లు చేప‌ట్టారు. బోల్తా ప‌డిన కారును పోలీసులు ప‌క్క‌కు లాగేశారు. ఎయిర్ బెలూన్లు ఓపెన్ కావ‌డంతో ఎలాంటి ప్రాణ న‌ష్టం జ‌ర‌గ‌లేదు. ప్ర‌మాద స‌మ‌యంలో కారులో ఇద్దరు యువ‌కులు, ముగ్గురు యువతులు ఉన్న‌ట్లు పోలీసులు నిర్ధారించారు. యువ‌కుల‌ను సూడాన్ దేశ‌స్థులుగా గుర్తించారు.
ఈ ప్ర‌మాద ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. ఇద్దరు యువ‌కుల‌ను అదుపులోకి తీసుకుని విచారిస్తున్నారు. యువ‌తుల వివ‌రాలు తెలియాల్సి ఉంది. ప్ర‌మాదానికి గురైన కారు నంబ‌ర్ TS 09 FU 5136.
