లండన్ : యూకేలో కొవిడ్ మరణాలు తగ్గిపోయాయి. 7 నెలల తరువాత ఒక రోజులో కేవలం 4 మరణాలే నమోదయ్యాయి. ఇక్కడి మరణాల రేటు 70 శాతం తగ్గినట్లు అధికారిక గణాంకాలు చెప్తున్నాయి. అలాగేలో కొత్త కరోనా రోగుల వేగం కూడా 17 శాతం తగ్గిందని అక్కడి అధికారులు అంటున్నారు. జూన్ నాటికి లాక్డౌన్ నుంచి పూర్తిగా బయటపడాలని బ్రిటన్ కోరుకుంటున్నది.
కరోనా నివారణకు టీకా ప్రభావం చూపిస్తుందనడానికి బ్రిటన్ను తాజా ఉదాహరణగా చెప్పుకోవచ్చు. వారాంతాల్లో లాక్డౌన్కు విశ్రాంతినివ్వడంతో ప్రజలు వీధుల్లోకి వచ్చారు. తమకు ఇష్టమైన బీర్లు తాగి ఎంజాయ్ చేశారు.
గత వారం బ్రిటన్లో 3,568 మంది, గత 24 గంటల్లో 2,963 కేసులు నమోదయ్యాయి. తమ పౌరులకు బూస్టర్ మోతాదులను ప్రవేశపెట్టడానికి బ్రిటన్ ప్రభుత్వం సిద్ధమవుతున్నది. కరోనా యొక్క ఏ మ్యుటేషన్తోనైనా పోరాడటానికి బూస్టర్ మోతాదు సహాయపడుతుందని అధికారులు అంటున్నారు.
‘ఎట్టి పరిస్థితుల్లోనూ జూన్ నాటికి పూర్తిగా లాక్డౌన్ నుంచి బ్రిటన్ బయటపడాలి. అందుకని జూలై చివరి నాటికి దేశంలోని పెద్దలందరికీ వారి తొలి డోసు వ్యాక్సిన్ అందజేయాలి. 50 ఏండ్ల వయసు పైబడిన వారందరికీ దేశంలో టీకాలు వేయించారు. ఇప్పుడు ఏ పరిస్థితులలోనైనా మే 17 లోగా ఇండోర్, అవుట్డోర్ కార్యకలాపాలను ప్రారంభించాలనుకుంటున్నాం. అలాగే అంతర్జాతీయ ప్రయాణం కూడా ప్రారంభిస్తాం’ అని ఆరోగ్య మంత్రి మాట్ హాంకాక్ చెప్పారు.
మరోవైపు, టీకా అందుబాటులోకి వచ్చిన తర్వాత ఇజ్రాయెల్ కూడా లాక్డౌన్ నుండి విముక్తి పొందింది. అక్కడ ప్రజలు మాస్కులను వినియోగించడం మానుకున్నారు. ఇజ్రాయెల్లో 81 శాతం మందికి టీకాలు వేసినందున మాస్క్లు ధరించడం అత్యవసరం కాదని అక్కడి ప్రభుత్వం ప్రకటించింది. ఇలా మాస్క్లు తొలగించాలని ఆదేశించిన మొదటి దేశంగా ఇజ్రాయెల్ నిలిచింది. అయితే, టీకా లేకుండా విదేశీయుల ప్రవేశాలను ఇజ్రాయెల్ ప్రభుత్వం పరిమితం చేసింది. ఇజ్రాయెల్కు రాగానే ఎవరైనా తప్పనిసరిగా నిర్బంధంలో ఉండాలని ప్రభుత్వం ఆదేశించింది.
తూత్తుకుడిలో 1500 కోట్ల కొకైన్ పట్టివేత
అసోంలో ముగ్గురు ఓఎన్జీసీ ఉద్యోగుల అహరణ
ఉద్రిక్తతలను పెంచుతున్న ఉత్తర కొరియా కదలికలు
రాజస్థాన్ జైలు నుంచి ఖైదీలు పరారీ
జపాన్ ప్రధాని భారత పర్యటన రద్దు
భారత ప్రధానిగా ఇంద్రకుమార్ గుజ్రాల్.. చరిత్రలో ఈరోజు
పాపం తల్లి ప్రేమ.. చనిపోయిన కొడుకుతో నిత్యం ఫోన్ కాల్
గర్భంతో ఉన్నా.. మండుటెండ, కరోనాను లెక్కచేయకుండా విధుల్లో డీఎస్పీ.. వీడియో వైరల్
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..