ఖర్జూరం పండు.. పోషకాలు మెండు

ఎడారి పండు ఖర్జూరాన్ని చూడగానే నోరూరుతుంది. రుచికి రుచి, పోషకాలకు పోషకాలు దీని సొంతం. ఇవి ఈ సీజన్లో ఎక్కువగా లభిస్తాయి

April 20, 2021 / 04:59 PM IST

ఎడారి పండు ఖర్జూరాన్ని చూడగానే నోరూరుతుంది. రుచికి రుచి, పోషకాలకు పోషకాలు దీని సొంతం. ఇవి ఈ సీజన్లో ఎక్కువగా లభిస్తాయి. ఖర్జూరంలో విటమిన్ ఏ, బీ, సీ, డీ లతో పాటు కాల్షియమ్, పోరస్, ఫాస్ఫరస్ ఫైబర్ కూడా ఉన్నాయి. అందుకే ఖర్జూరంను ప్రోటీన్స్ పవర్ హౌస్ అని అంటారు.

ఇందులో గ్లూకోస్, ఫ్రక్టోజ్ ఎక్కువగా ఉంటాయి. శరీరానికి అవసరమైన శక్తినివ్వటానికి శరీరంలోని వ్యర్ధాలను తొలగించటానికి బాగా ఉపయోగపడుతుంది. పిల్లలనుండి పెద్దలదాకా ఎంతో ఇష్టంగా తినే పండు ఖర్జూరాలు. చూడటానికి ఈతపండులా ఉండే ఖర్జూరం అందరికీ ప్రీతిపాత్రమే అని చెప్పాలి. రంజాన్‌ పండుగ రాగానే ఉపవాసాల్లో ఖర్జూరాలు కనిపిస్తాయి.

ఖర్జూరంలో అనేక ఔషద గుణాలు ఉన్నాయి. ఇవి రోగ నిరోధకశక్తిని పెంపొందించడమే కాకుండా.. రక్తహీనత సమస్యతో బాధపడేవారికి ఎంతో మేలు చేస్తుంది. నీరసంగా.. శక్తిని కోల్పోయినట్లు భావించేవాళ్లు ఖర్జూరం తింటే చాలు రోజంతా ఉత్సాహంగా ఉంటారు. ప్రతి 100 గ్రాములు ఖర్జూరాల్లో 0.90 మి. గ్రా ఐరన్‌ ఉంటుంది.

ఒక్క ఖర్జూరం తింటే వాటి నుంచి మన శరీరానికి 0.2 గ్రాముల ప్రోటీన్‌, 5.3 గ్రాముల కార్బోహైడ్రేట్లు, 4 గ్రాముల చక్కెరలు, 0.6 గ్రాముల ఫైబర్‌, 0.14 గ్రాముల సోడియం, 20 క్యాలరీల శక్తి లభిస్తుండగా.. ఎలాంటి కొవ్వులు అందవు. ఖర్జూరాలు తింటే అందులో ఉన్న పీచుపదార్థాలు శరీరంలో ఉన్న చెడుకొలెస్ట్రాల్‌కు అడ్డుపడి శరీరంలో ఇంకకుండా చూస్తాయి. దాంతోపాటు మలవిసర్జనం తేలికవుతుంది.

టాన్సిన్‌ అని పిలిచే ప్లేవనాయిడ్‌ పాలిఫీనాలిక్‌ యాంటీఆక్సిడెంట్స్‌ ఆరోగ్యానికి ఎంతో మేలు చేస్తాయి. ఇవి శరీరంలో ఇన్ఫెక్షన్లు, మంట, వాపు వంటివి కలగడాన్ని, రక్తసవ్రాలను నివారిస్తాయి. ఇందులో ఉన్న జీ-గ్జాంథిన్‌ అనే పోషకం మన కంటి రెటీనాలోకి శోషితమై కంటిని సంరక్షిస్తుంటుంది.