న్యూఢిల్లీ : ప్రస్తుతం ఆధార్ కార్డు ( Aadhaar card ) అనేది ప్రతి ఒక్కరికీ తప్పనిసరి అవసరంగా మారింది. యూఐడీఏఐ జారీచేసే 12 అంకెల విశిష్ట గుర్తింపు కార్డుకు ఎంతో ప్రాముఖ్యం ఉన్నది. దేశంలోని ఏ వ్యక్తి సమాచారమైనా ఆధార్ కార్డు ద్వారా ఈజీగా తెలిసిపోతుంది. ఒకసారి అధార్ కార్డు పొందామంటే ఇక పని అయిపోయినట్లే అనుకుంటే పొరపాటే. అడ్రస్ మారిన ప్రతిసారి ఆధార్ కార్డును అప్డేట్ చేయించుకోవాల్సి ఉంటుంది. లేదంటే గ్యాస్ కనెక్షన్, ఫోన్ కనెక్షన్ లాంటివి పొందడం కష్టమవుతుంది.
అదేవిధంగా వయసు పెరిగినా కొద్ది ముఖంలో మార్పులు వస్తుంటాయి. కాబట్టి ఆధార్కార్డుపై ఫొటోలన అప్డేట్ చేసుకోవాల్సి ఉంటుంది. అయితే, ఆధార్లో ఏ అప్డేట్ కావాలన్నా అడ్రస్ ప్రూఫ్ చూపించాల్సి ఉంటుంది. సరైన అడ్రస్ ప్రూఫ్లు లేక చాలా మంది ఆధార్కార్డు ఆప్డేషన్కు ఆపసోపాలు పడుతుంటారు. అయితే, ఇప్పుడు అడ్రస్ ప్రూఫ్ లేకుండానే ఆధార్కార్డును అప్డేట్ చేసుకునే అవకాశం అందుబాటులోకి వచ్చింది.
ఇప్పటివరకు ఆధార్కార్డులో అడ్రస్ మార్పులు చేయటాలంటే పాస్పోర్టు, బ్యాంక్ పాస్ బుక్, రేషన్ కార్డు, ఓటర్ ఐడీ, డ్రైవింగ్ లైసెన్స్ వంటి డాక్యుమెంట్లను అప్లోడ్ చేయల్సి ఉంటుంది. అలా అప్లోడ్ చేస్తేనే అధార్కార్డు అప్డేట్ అవుతుంది. అయితే ప్రస్తుతం యూఐడీఎఐ ఇచ్చిన వెసులుబాటుతో బంధువులు, ఇతర కుటుంబసభ్యుల అధార్కార్డును ప్రూఫ్గా ఉపయోగించుకుని మన ఆధార్కార్డును అప్డేట్ చేసుకోవచ్చు.
ఇవి కూడా చదవండి
మనవడితో కలిసి బామ్మ నాగినీ డ్యాన్స్.. వైరల్ వీడియో
Video viral : ఓ యువజంట బరితెగింపు.. రన్నింగ్ బైక్పైనే రొమాన్స్..!