Viral Video | బైక్‌ను ఢీ కొట్టి ఈడ్చుకెళ్లిన ట్రక్కు.. ప్రాణాలతో బయటపడ్డ ఇద్దరు యువకులు.. షాకింగ్‌ వీడియో

Viral Video | ఉత్తరప్రదేశ్‌ రాష్ట్రంలో షాకింగ్‌ ఘటన చోటు చేసుకుంది. అతివేగంగా వెళ్తున్న ట్రక్కు (Speeding Truck) ముందు వెళ్తున్న బైక్‌ను బలంగా ఢీ కొట్టింది.

Viral Video | ఉత్తరప్రదేశ్‌ రాష్ట్రంలో షాకింగ్‌ ఘటన చోటు చేసుకుంది. అతివేగంగా వెళ్తున్న ట్రక్కు (Speeding Truck) ముందు వెళ్తున్న బైక్‌ను బలంగా ఢీ కొట్టింది. అనంతరం 100 మీటర్ల వరకూ అలాగే ఈడ్చుకెళ్లింది. ఈ ఘటనలో ఇద్దరు యువకులు తృటిలో ప్రాణాపాయం నుంచి తప్పించుకున్నారు. ఇందుకు సంబంధించిన షాకింగ్‌ వీడియో ప్రస్తుతం వైరల్‌ అవుతోంది.

ఆగ్రాలోని వాటర్‌ వర్క్స్‌ రోడ్డులో ఆదివారం రాత్రి 11:30 గంటల ప్రాంతంలో ఈ ఘటన చోటు చేసుకుంది. ఆ సమయంలో ఇద్దరు యువకులు బైక్‌పై వెళ్తుండగా.. వెనుకనుంచి అతివేగంగా వస్తున్న ఓ ట్రక్కు వెనుక నుంచి బైక్‌ను బలంగా ఢీ కొట్టింది. ఈ క్రమంలో ట్రక్కు ముందు భాగంలో బైక్‌తోపాటు ఆ ఇద్దరు యువకులు చిక్కుకుపోయారు. ఓ యువకుడి తల ట్రక్‌ ముందు టైరుకు అడుగు దూరంలో ఉంది. ఆ ఇద్దరు యువకులు ప్రాణ భయంతో కాపాడండి అంటూ కేకలు వేస్తున్నా ట్రక్కు డ్రైవర్‌ అవేవీ పట్టించుకోకుండా వేగంగా వెళ్లసాగాడు.

అటుగా వెళ్తున్న వాహనదారులు ఈ తతంగాన్నంతా గమనించి ట్రక్కును ఓవర్‌టెక్‌ చేసి ఆపారు. వెంటనే పోలీసులకు సమాచారం అందించారు. అనంతరం ఆ ఇద్దరు యువకులను ఆసుపత్రికి తరలించారు. ప్రస్తుతం వారికి ఎలాంటి ప్రాణాపాయం లేదని వైద్యులు తెలిపారు. పోలీసులు వచ్చే సరికి ఆ ట్రక్కు డ్రైవర్‌కు స్థానికులు దేహశుద్ధి చేశారు. ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు వెల్లడించారు.

#Horrible ⚠️Sensitive media #Agra, UP : Two men riding on a bike were first hit by a truck and were dragged to about 100 meters on Sunday night at 11.30 pm, on water works road in Agra, UP.

Others drivers passing by overtook the truck and stopped it. Auto drivers admitted both… pic.twitter.com/DffufKnAmU

— Saba Khan (@ItsKhan_Saba) December 23, 2024

Also Read..

Himachal Pradesh | హిమాచల్‌పై మంచు దుప్పటి.. జాతీయ రహదారులు సహా 170 రోడ్లు మూసివేత..!

Heavy Snow | మనాలీలో భారీగా హిమపాతం.. చిక్కుకుపోయిన 1,000కి పైగా వాహనాలు.. VIDEOS

Allu Arjun | చిక్క‌డ‌ప‌ల్లి పోలీస్ స్టేష‌న్‌కు బ‌య‌లుదేరిన అల్లు అర్జున్‌