సీఐఎస్ఎఫ్ జ‌వాన్ల బ‌స్సుపై ఉగ్ర‌వాదుల దాడి.. ఏఎస్ఐ మృతి

శ్రీన‌గ‌ర్ : జ‌మ్మూక‌శ్మీర్‌లోని చ‌ద్ధా క్యాంపు స‌మీపంలో ఉగ్ర‌వాదులు దారుణానికి పాల్ప‌డ్డారు. సీఐఎస్ఎఫ్ జ‌వాన్లు ప్ర‌యాణిస్తున్న బ‌స్సును ల‌క్ష్యంగా చేసుకుని ఉగ్ర‌వాదులు కాల్పులు జ‌రిపారు. ఈ ఘ‌ట‌న శుక్ర‌వారం తెల్ల‌వారుజామున 4:25 గంట‌ల‌కు చోటు చేసుకుంది. ఉగ్ర‌వాదుల కాల్పుల్లో సీఐఎస్ఎఫ్‌కు చెందిన ఏఎస్ఐ ప్రాణాలు కోల్పోయారు. మ‌రో ఇద్ద‌రు తీవ్రంగా గాయ‌ప‌డిన‌ట్లు సీఐఎస్ఎఫ్ ఉన్న‌తాధికారులు తెలిపారు. అయితే ఉగ్ర‌వాదుల దాడిని స‌మ‌ర్థ‌వంతంగా ఎదుర్కొన్న‌ట్లు స్ప‌ష్టం చేశారు. బ‌ల‌గాల దాడుల నుంచి త‌ప్పించుకునేందుకు ఉగ్ర‌వాదులు పారిపోయారు.

J&K | Bus carrying 15 CISF personnel going for morning shift duties attacked by terrorists at about 4.25 hrs near Chaddha Camp in Jammu. CISF averted the terrorist attack, retaliated effectively, and forced the terrorists to run away: CISF officer

— ANI (@ANI) April 22, 2022