School Fees | మూడేండ్లలో 80 శాతం పెరిగిన స్కూల్‌ ఫీజులు.. నియంత్రించడంలో ప్రభుత్వాలు విఫలం!

మన దేశంలోని ప్రైవేట్‌ స్కూళ్లు గత మూడేండ్లలో ఫీజులను దాదాపుగా రెట్టింపు చేశాయని శుక్రవారం విడుదలైన లోకల్‌ సర్కిల్‌ సర్వే వెల్లడించింది. 309 జిల్లాల్లో 31 వేల మంది తల్లిదండ్రుల నుంచి సేకరించిన వివరాల ప్రకారం 2022-2025 మధ్య ప్రైవేట్‌ స్కూళ్ల ఫీజులు 80 శాతం పెరిగాయని 8 శాతం మంది అభిప్రాయపడ్డారు.

School Fees | న్యూఢిల్లీ : మన దేశంలోని ప్రైవేట్‌ స్కూళ్లు గత మూడేండ్లలో ఫీజులను దాదాపుగా రెట్టింపు చేశాయని శుక్రవారం విడుదలైన లోకల్‌ సర్కిల్‌ సర్వే వెల్లడించింది. 309 జిల్లాల్లో 31 వేల మంది తల్లిదండ్రుల నుంచి సేకరించిన వివరాల ప్రకారం 2022-2025 మధ్య ప్రైవేట్‌ స్కూళ్ల ఫీజులు 80 శాతం పెరిగాయని 8 శాతం మంది అభిప్రాయపడ్డారు. 50-80 శాతం పెరిగాయని 36 శాతం మంది చెప్పారు. 30-50 శాతం పెంపుదల కనిపించిందని 8 శాతం మంది, 10-30 శాతం పెంచారని 27 శాతం మంది చెప్పారు.

కేవలం 8 శాతం మంది మాత్రమే తమ పిల్లల ఫీజుల్లో ఎలాంటి పెరుగుదల లేదని పేర్కొన్నారు. ప్రైవేట్‌ స్కూళ్ల ఫీజులను నియంత్రించడంలో రాష్ట్ర ప్రభుత్వాలు నిస్సహాయంగా ఉన్నాయని అనేక మంది తల్లిదండ్రులు వాపోయారు. ఈ విషయమై 16 వేల మందిని ప్రశ్నించగా.. కేవలం 7 శాతం మంది మాత్రమే ప్రభుత్వాలు సరైన చర్యలు తీసుకుంటున్నాయని అభిప్రాయపడ్డారు.