Hemant Soren | మనీలాండరింగ్ (money laundering case) ఆరోపణలను ఎదుర్కొంటున్న జార్ఖండ్ ముఖ్యమంత్రి (Jharkhand Chief Minister ) హేమంత్ సోరెన్ (Hemant Soren) అధికారిక నివాసంలో సోమవారం జరిగిన సోదాల్లో ఎన్ఫోర్స్మెంట్ డైరెక్టరేట్ (Enforcement Directorate) అధికారులు పలు కీలక పత్రాలు స్వాధీనం చేసుకున్నారు. ఢిల్లీలోని సోరెన్ అధికారిక నివాసానికి వెళ్లిన ఈడీ అధికారులు అక్కడ సోదాలు చేపట్టారు. ఈ సోదాల్లో సోరెన్కు చెందిన రెండు బీఎండబ్ల్యూ కార్లు, కొన్ని నేరారోపణ పత్రాలు సహా రూ. 36 లక్షల నగదును స్వాధీనం చేసుకున్నారు (cash seized).
Jharkhand CM Hemant Soren remains untraceable. Enforcement Directorate has recovered Rs 36 lakhs in cash and also seized two cars from the Delhi residence of Jharkhand CM Hemant Soren during the probe into a money laundering case linked to an alleged land scam: Sources pic.twitter.com/Hx605sZAiW
— ANI (@ANI) January 30, 2024
ప్రభుత్వ భూముల యాజమాన్యం మార్పు కుంభకోణంలో రూ.600 కోట్లు చేతులు మారినట్లు ఈడీ ఆరోపిస్తున్నది. ఈ కేసులో విచారణకు హాజరు కావాలని సొరేన్కు ఈడీ అధికారులు ఏడు సార్లు సమన్లు జారీ చేశారు. అయితే ఆయన ఒక్కసారి కూడా విచారణకు హాజరు కాలేదు. ఈ నెల 27న కూడా ఈడీ.. సోరెన్కు సమన్లు జారీ చేసిన విషయం తెలిసిందే. జనవరి 29న గానీ, 31న గానీ అందుబాటులో ఉండాలని కోరుతూ స్పందన తెలియజేయాలని పేర్కొంది. అయితే, ఆయన 27వ తేదీన రాత్రి నుంచే అందుబాటులో లేకుండా పోయారు. ఇప్పటి వరకూ సోరెన్ ఆచూకీ తెలియరాలేదు. అతన్ని సంప్రదించేందుకు ఎన్నిసార్లు ప్రయత్నించినా అందుబాటులోకి రాకపోవడం పలు అనుమానాలకు తావిస్తోంది. ఆయన ఫోన్ కూడా స్విచ్ఛాప్లో ఉన్నట్లు అధికారులు చెబుతున్నారు.
మరోవైపు రాంచీలోని తన ఇంటికి ఈ నెల 31వ తేదీన విచారణకు రావాలని ఈడీ అధికారులకు ఆయన ఈ-మెయిల్ పంపారు. ఈ క్రమంలో రంగంలోకి దిగిన అధికారులు సొరేన్ కోసం సోమవారం జార్ఖండ్ భవన్కు, మోతీలాల్ నెహ్రూ మార్గ్లోని సొరేన్ తండ్రి నివాసానికి వెళ్లారు. కానీ ఆయన ఈ రెండు చోట్లా లేరు. ఆయన చార్టర్డ్ విమానం ఢిల్లీ విమానాశ్రయంలో పార్క్ చేసి ఉంది. కొందరు ఈడీ అధికారులు సోమవారం రాత్రి వరకు ఆయన నివాసం వెలుపల తిష్ఠ వేశారు. అయితే ఇప్పటివరకు ఆయన ఆచూకీ లేకుండా పోవడం పలు అనుమానాలకు తావిస్తున్నది.
#WATCH | A team from the Enforcement Directorate yesterday seized a luxury car belonging to Jharkhand Chief Minister Hemant Soren from his Delhi residence, in connection with the probe into a money laundering case linked to an alleged land scam. pic.twitter.com/354sURUDxF
— ANI (@ANI) January 30, 2024
Also Read..
Maldives Tourism | మాల్దీవుల పర్యాటకుల్లో గణనీయంగా పడిపోయిన భారత్ వాటా.. ఎన్నో స్థానానికంటే..?
Hemant Soren-JMM | సంక్షోభంలో సోరెన్ సర్కార్.. రేపు ‘సోరెన్’ ఈడీ విచారణ.. ఎమ్మెల్యేలకు హుకూం..!