ఓట్ల కోసం వ‌రి నాటు వేస్తూ మంత్రి వినూత్న ప్ర‌చారం..!

March 30, 2021 / 02:09 PM IST

చెన్నై: త‌మిళనాడులో అసెంబ్లీ ఎన్నిక‌ల ప్ర‌చారం జోరుగా కొన‌సాగుతున్న‌ది. అధికార అన్నాడీఎంకే, ప్ర‌తిప‌క్ష డీఎంకే నేత‌ల‌తోపాటు రాష్ట్రంలో చిన్న‌వైన‌ కాంగ్రెస్‌, డీఎండీకే, ఎంఎన్ఎం త‌దిత‌ర పార్టీల నేత‌లు కూడా జోరుగా ప్ర‌చారం నిర్వ‌హిస్తున్నారు. ఓట‌ర్ల‌ను ఆక‌ట్టుకోవ‌డం కోసం వినూత్న పంథాలో త‌మ ప్ర‌చారాలను కొన‌సాగిస్తున్నారు. ఒక‌రు దోసెలు వేస్తూ, మ‌రొక‌రు డ్యాన్స్‌లు చేస్తూ, ఇంకొక‌రు కొబ్బ‌రి బోండాలు కొడుతూ ఇలా ఎవ‌రి తోచిన రీతిలో వారు ప్ర‌చారంలో దూసుకుపోతున్నారు.

తాజాగా అన్నాడీఎంకే ముఖ్య నాయ‌కుడు, త‌మిళ‌నాడు రాష్ట్ర మంత్రి ఆర్ కామ‌రాజ్ కూడా వినూత్న రీతిలో ప్ర‌చారం నిర్వ‌హించారు. న‌న్నిలం అసెంబ్లీ నియోజ‌క‌వ‌ర్గం నుంచి అన్నాడీఎంకే అభ్య‌ర్థిగా బ‌రిలో దిగిన ఆయ‌న మంగ‌ళ‌వారం ఉద‌యం పొలాల్లో వ‌రినాట్లు వేస్తున్న మ‌హిళ‌ల‌ను ఓట్ల‌డిగేందుకు వెళ్లారు. అక్క‌డ వారితో క‌లిసి కాసేపు స‌ర‌దాగా నాటు వేశారు. నియోజ‌క‌వ‌ర్గం నుంచి త‌నను మ‌రోసారి గెలిపించాల‌ని అక్క‌డి మ‌హిళ‌ల‌ను కోరారు.

Tamil Nadu: R Kamaraj, state Minister and AIADMK candidate from Nannilam sows paddy, as a part of his election campaign. pic.twitter.com/iFPCry6M0r
— ANI (@ANI) March 30, 2021