2047 నాటికి ముగ్గురిలో ఒకరు మిడిల్‌క్లాసే!

దేశంలో మధ్యతరగతి వర్గం ఇబ్బడి ముబ్బడిగా పెరుగుతున్నది. ఎంతలా అంటే దేశ జనాభాలో ప్రతి ముగ్గురిలో ఒకరు మధ్యతరగతి వర్గానికి చెందినవారే. ధనికులు మరింత ధనికులవుతున్నారు. ఆర్థిక సంస్కరణల కారణంగా అందుబాటులోకి వచ్చిన విద్య, వైద్య, ఉపాధి అవకాశాలను అందిపుచ్చుకొన్న పేదలు మధ్యతరగతి వర్గంగా ఎదుగుతున్నారు

• 2047 నాటికి దేశంలో భారీగా మధ్యతరగతి.. ప్రైస్‌ అధ్యయనం

దేశంలో మధ్యతరగతి వర్గం ఇబ్బడి ముబ్బడిగా పెరుగుతున్నది. ఎంతలా అంటే దేశ జనాభాలో ప్రతి ముగ్గురిలో ఒకరు మధ్యతరగతి వర్గానికి చెందినవారే. ధనికులు మరింత ధనికులవుతున్నారు. ఆర్థిక సంస్కరణల కారణంగా అందుబాటులోకి వచ్చిన విద్య, వైద్య, ఉపాధి అవకాశాలను అందిపుచ్చుకొన్న పేదలు మధ్యతరగతి వర్గంగా ఎదుగుతున్నారు. ఎటోచ్చీ నిరుపేదలు మాత్రమే అక్కడే ఉంటున్నారు. 2047 నాటికి భారత్‌లో ఈ వర్గీకరణ మరింత స్పష్టంగా కనిపించనున్నదని పీపుల్‌ రిసెర్చ్‌ ఆన్‌ ఇండియాస్‌ కన్జూమర్‌ ఎకానమీ (ప్రైస్‌) సర్వేలో తేలింది.

 

2004-05లో దేశ జనాభాలో మధ్యతరగతి ప్రజల శాతం – 14 %

2021-22నాటికి దేశ జనాభాలో మధ్యతరగతి ప్రజల శాతం – 31%

1994-95లో దేశంలోని అత్యంత ధనవంతుల సంఖ్య – 98,000

దేశంలో నిరుపేదల సగటు వార్షికాదాయం – 1,35,000

2020-21నాటికి దేశంలో కుబేరులు – 18,00,000

ధనికుల సగటు వార్షికాదాయం – 2 కోట్లు

• 2047 నాటికి ప్రతి ముగ్గురిలో ఒకరు మధ్యతరగతి వర్గంలో ఉంటారు. వీరి వార్షికాదాయం రూ.3 లక్షల నుంచి రూ.30 లక్షల మధ్య ఉండనున్నది.
• ప్రస్తుతం దేశంలో అత్యంత ధనిక రాష్ట్రం మహారాష్ట్ర కాగా, రెండోస్థానంలో ఢిల్లీ ఉన్నది.
• 1994-95 నుంచి 2020-21 మధ్య కాలంలో దేశంలో ధనికుల జనాభా అత్యంత వేగంగా పెరిగిన నగరాలు సూరత్‌, నాగపూర్‌.
• రూ.30 లక్షలకుపైగా వార్షికాదాయం ఉన్న ధనికుల్లో ప్రతి వ్యక్తికి కారు ఉన్నది. కోటీశ్వరుల్లో కుటుంబానికి సగటున మూడు కార్లు ఉన్నాయి.