అసలు పాములు నీళ్లు తాగుతాయా? మనుషులు నీళ్లు తాగుతారు. కొన్ని జంతువులు నీళ్లు తాగుతాయి. కానీ.. పాములు, కొన్ని రకాల జంతువులు నీళ్లు తాగవు కదా. అసలు.. పాములు నీళ్లు తాగడం మేము ఎప్పుడూ చూడలేదు అంటారా? అయితే.. మీరు పప్పులో కాలేసినట్టే. ఎందుకంటే.. పాములు కూడా నీళ్లు తాగుతాయి.
సాధారణంగా వర్షాకాలంలో అంటే నీళ్లు ఎక్కడైనా ఉంటాయి. దీంతో పాములకు పెద్దగా ఇబ్బంది ఉండదు. కానీ.. ఎండాకాలంలో ఎలా? చుక్క నీరు కూడా ఉండకపోతే పాములు నీళ్లు ఎలా తాగుతాయి.. అని చాలామందికి డౌట్ వస్తుంది. తాజాగా ఓ వ్యక్తి.. పాముకు నీళ్లు తాగించే వీడియో సోషల్ మీడియాలో వైరల్ అవుతోంది.
Summer is approaching. Your few drops can save someone’s life. Leave some water in your garden in a container for that can mean a choice between life & death for many animals🙏 pic.twitter.com/ZSIafE4OEr
— Susanta Nanda IFS (@susantananda3) March 9, 2022
ఎందుకంటే.. పాములంటేనే ఆమడదూరం పరిగెడతాం మనం. అటువంటిది పాము కనిపిస్తే నీళ్లు తాగించడం అనేది కలలో కూడా చేయం కదా అంటారు కదా. కానీ.. ఓ వ్యక్తి మాత్రం పాముకు తన చేతుల్లో నీళ్లు పోసి మరీ తాగించాడు. నీళ్లు తన చేతుల్లో పోస్తున్న కొద్దీ ఆ పాము గటగటా నీళ్లను తాగేసింది. ఈ ఘటన ఎక్కడ జరిగిందో తెలియదు కానీ.. ఐఎఫ్ఎస్ ఆఫీసర్ సుశాంత నందా ఈ వీడియోను షేర్ చేశాడు. ఇదివరకు కూడా పాములకు నీళ్లు తాగించే కొన్ని వీడియోను నందా షేర్ చేశాడు. సమ్మర్ వచ్చింది కదా. కొన్ని నీళ్ల చుక్కలు చాలు కొన్ని ప్రాణుల ప్రాణాలను నిలపడానికి. అందుకే.. మీ ఇంటి ముందు కానీ. పేరట్లో కానీ.. కొన్ని నీళ్ల కంటెయినర్స్ను ఏర్పాటు చేయండి. చాలా జంతువులు, పక్షులకు ఆ నీటి చుక్కలే ప్రాణాధారం అంటూ ట్విట్టర్లో నందా పోస్ట్ చేశాడు. ఆ వీడియోను చూసిన నెటిజన్లు.. పాములు నీళ్లు తాగడం ఇప్పటి వరకు చూడలేదు అంటూ కామెంట్లు చేస్తున్నారు.
Love & water…
Two best ingredients of life pic.twitter.com/dy3qB40m6N— Susanta Nanda IFS (@susantananda3) February 16, 2021