గురువారం 21 జనవరి 2021
National - Nov 30, 2020 , 16:46:49

వ్య‌వ‌సాయ ఉత్ప‌త్తుల ర‌వాణా కు కిసాన్ రైలు: కేంద్ర రైల్వే శాఖ మంత్రి పియూష్ గోయ‌ల్

వ్య‌వ‌సాయ ఉత్ప‌త్తుల ర‌వాణా కు కిసాన్ రైలు: కేంద్ర రైల్వే శాఖ మంత్రి పియూష్ గోయ‌ల్

ఢిల్లీ: రైతుల‌కు ఎలాంటి ఇబ్బందులు క‌ల‌గ‌కుండా చూసేందుకు వ్య‌వ‌సాయ ఉత్ప‌త్తుల ర‌వాణా కు కిసాన్ రైలును న‌డ‌ప‌నున్న‌ట్టు కేంద్ర రైల్వే శాఖ మంత్రి పియూష్ గోయ‌ల్ తెలిపారు. తమ ప్ర‌భుత్వం రైతుల ప్ర‌గ‌తికి క‌ట్టుబ‌డి ఉంద‌న్నారు. ప్ర‌తి ఒక్క‌రూ కోవిడ్ ప్రోటోకాల్‌ను పాటించాల్సిందిగా ఆయన ‌విజ్ఞ‌ప్తి చేశారు. మాస్కు ధ‌రించ‌డం, సామాజిక దూరం పాటించ‌డం, ప‌రిశుభ్ర‌తను త‌ప్ప‌కుండా పాటించాల‌న్నారు. రైలు మార్గ‌ విద్యుదీక‌ర‌ణ‌ను ప్ర‌యాగ్‌రాజ్ సెంట్ర‌ల్ ఆర్గ‌నైజేష‌న్ ఫ‌ర్  రైల్వే ఎల‌క్ట్రిఫికేష‌న్ చేప‌డుతుంది. ఢిల్లీ స‌రాయి రొహిల్లా- మ‌దార్ (అజ్మీర్‌) సెక్ష‌న్ ను సిఒఆర్ ఇ మంజూరు చేసి, రైల్వే ఎల‌క్ట్రిఫికేష‌న్ ప్రాజెక్టు జైపూర్‌కు బ‌ద‌లాయించింది.

ఢిల్లీ స‌రాయ్ రొహిల్లా- మ‌దార్‌(అజ్మీర్‌) మార్గంలో 23,418 ఫౌండేష‌న్లు , 26 స్విచింగ్ స్టేష‌న్లు, 6 ట్రాక్ష‌న్‌స‌బ్ స్టేష‌న్లు , 7 ఒహెచ్ఇ డిపోలు ఏర్పాటు చేశారు. గోయ‌ల్‌, రాజ‌స్థాన్‌లోని కోట‌-ముంబై  మార్గంలో 35ఏండ్ల క్రితం విద్యుదీక‌ర‌ణ ప‌నులు జ‌రిగాయ‌ని,ఆ త‌ర్వాత ఎవ‌రూ దీనిపై దృష్టిపెట్ట‌లేద‌న్నారు. రైల్వేలో దీనిపై దృష్టిపెట్టి   మొత్తం భార‌త‌దేశంలో రైల్వే లైన్‌నెట్ వ‌ర్క్‌ను విద్యుదీక‌రించ‌డంపై  టార్గెట్‌ను నిర్ణ‌యించిన‌ట్టు తెలిపారు. రాజ‌స్థాన్‌గురించి ప్ర‌స్తావిస్తూ, 2009-14 వ‌ర‌కు ఈ ప్రాంతంలో ఒక్క కిలోమీట‌ర్ కూడా విద్యుదీక‌ర‌ణ జ‌ర‌గ‌లేద‌ని, 2020 సెప్టెంబ‌ర్ వ‌ర‌కు 1433 కిలోమీట‌ర్ల రైలుమార్గం గ‌త ఐదు సంవ‌త్స‌రాల‌లో విద్యుదీక‌ర‌ణ‌ను పూర్తి చేసుకున్న‌ద‌న్నారు.

అంటే ప్ర‌తి సంవ‌త్స‌రం సుమారు 240 కిలోమీట‌ర్ల విద్యుదీక‌ర‌ణ‌ను పూర్తి చేసుకున్న‌ద‌న్నారు. గ‌త కొద్ది సంవ‌త్స‌రాలుగా ఆలోచ‌న‌లో మార్పు వ‌చ్చింద‌ని, చేసే తీరులోనూ మార్పు క‌నిపిస్తోంద‌ని అన్నారు. ఇప్పటి వరకు ఈ మార్గం విద్యుదీక‌ర‌ణ‌తో రెవారినుంచి అజ్మీర్ వ‌ర‌కు విద్యుదీక‌ర‌ణ పూర్తి అయింద‌ని, ఇక త్వ‌ర‌లోనే ఢిల్లీనుంచి అజ్మీర్‌కు విద్యుత్‌తో న‌డిచే రైళ్లు మొద‌లౌతాయ‌ని ఆయ‌న అన్నారు. ఈ రైళ్లు మొద‌లైన త‌ర్వాత డీజిల్ రైళ్లు నిలిచిపోతాయ‌న్నారు.

ఇది కాలుష్యాన్ని తొల‌గిస్తుంద‌ని, అలాగే ఇత‌ర దేశాల నుంచి చ‌మురు దిగుమ‌తుల‌పై ఆధార‌ప‌డ‌డాన్ని త‌గ్గిస్తుంద‌ని అన్నారు. విద్యుత్‌తో న‌డిచే రైళ్లు దేశీయంగా స్వావ‌లంబిత భార‌త్‌లో ఉత్ప‌త్తి అయ్యే విద్యుత్‌తో న‌డుస్తాయ‌న్నారు. ఇది పెద్ద ఎత్తున నిధుల‌ను ఆదాచేయ‌నున్న‌ద‌న్నారు. దీనితోపాటు  రైళ్ల స‌గ‌టు వేగం పెర‌గ‌నున్న‌ద‌ని, ప‌రిశ్ర‌మ‌లు అభివృద్ధి, వ్య‌వ‌సాయ ఆధార‌త వ్యాపారం, గ్రామాల ప్ర‌గ‌తి, రైతుల ప్ర‌గ‌తి సాధ్యం కానున్న‌ద‌న్నారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo