Gulmarg | స్కీయింగ్‌ సిటీపై మంచు దుప్పటి.. డ్రోన్‌ విజువల్స్

Gulmarg | భూతల స్వర్గం జమ్మూ కశ్మీర్‌ (Jammu And Kashmir)లో గత రెండు రోజులుగా భారీగా మంచు కురుస్తోంది. దీంతో పలు ప్రాంతాలు కనుచూపు మేర శ్వేతవర్ణాన్ని సంతరించుకున్నాయి.

Gulmarg | భూతల స్వర్గం జమ్మూ కశ్మీర్‌ (Jammu And Kashmir)లో గత రెండు రోజులుగా భారీగా మంచు కురుస్తోంది. దీంతో పలు ప్రాంతాలు కనుచూపు మేర శ్వేతవర్ణాన్ని సంతరించుకున్నాయి. ఇక ఇన్ని రోజులూ మంచు లేక వెలవెలబోయిన కశ్మీర్‌లోని ప్రముఖ పర్యాటక ప్రాంతం గుల్మార్గ్‌ (Gulmarg) ఇప్పుడు పూర్తిగా మంచుతో కప్పుకుపోయింది (Snow blanket). అక్కడ కొన్ని అడుగుల మేర భారీగా మంచు పడుతోంది. చాలా రోజుల తర్వాత స్కీయింగ్‌ సిటీలో భారీ స్థాయిలో మంచు దర్శనమివ్వడంతో పర్యాటకులు సంతోషం వ్యక్తం చేస్తున్నారు.

రోడ్లు, ఇళ్లు, చెట్లు, వాహనాలను భారీగా మంచు కప్పేసింది. స్కీయింగ్‌ సిటీ ఎటు చూసిన శ్వేత వర్ణం సంతరించుకుని పర్యాటకులను ఆహ్వానిస్తోంది. చాలా రోజుల తర్వాత గుల్మార్గ్‌లో ఈ స్థాయిలో మంచు కురవడంతో పర్యాటకులు, స్థానికులు ఆనందం వ్యక్తం చేస్తున్నారు. టూరిస్టులు, స్పోర్ట్స్ ల‌వ‌ర్స్ ఈ మంచులో ఎంజాయ్‌ చేస్తున్నారు (tourists enjoy the weather). శీతల వాతావరణాన్ని ఆస్వాదిస్తున్నారు. గుల్మార్గ్‌ను మంచు దుప్పటి కప్పేసిన డ్రోన్‌ విజువల్స్‌ ఇప్పుడు వైరల్‌ అవుతున్నాయి.

#WATCH | J&K’s Gulmarg covered in a thick blanket of snow as snowfall continues in the region.

(Drone visuals from Gulmarg) pic.twitter.com/gQzB9WT8Pe

— ANI (@ANI) February 4, 2024

గడ్డకట్టే స్థాయికి పడిపోయిన ఉష్ణోగ్రతలు..

మరోవైపు గుల్మార్గ్‌లో కనిష్ట ఉష్ణోగ్రతలు కొత్త రికార్డును క్రియేట్‌ చేశాయి. ప్రస్తుతం అక్కడ మైనస్ 10 డిగ్రీలకంటే తక్కువ ఉష్ణోగ్రతలు నమోదవుతున్నాయి. గత 72 గంటల్లో భారీగా మంచు కురిసింది. దీంతో ఉష్ణోగ్రతలు గడ్డకట్టే స్థాయికి పడిపోయాయి. ఆదివారం గుల్మార్గ్‌, కశ్మీర్‌ ప్రాంతాల్లో ఉష్ణోగ్రతలు మైనస్‌ 7.0 డిగ్రీల సెల్సియస్‌గా నమోదయ్యాయి. దీంతో సాధారణ జనజీవనానికి ఇబ్బందులు తలెత్తాయి. భారీగా హిమపాతం కారణంగా శ్రీనగర్‌కు రాకపోకలు సాగించే విమానాలు రద్దు చేయాల్సి వచ్చింది.

మరోవైపు రోడ్లపై భారీగా మంచు పేరుకుపోవడంతో వాహనదారులు తీవ్ర ఇబ్బందులు పడుతున్నారు. వాహనాలు స్కిడ్‌ అవుతుండటంతో అధికారులు రంగంలోకి దిగారు. రోడ్లపై పేరుకుపోయిన మంచును ఎప్పటికప్పుడు తొలగించేందుకు చర్యలు చేపడుతున్నారు. మరోవైపు భారీగా కురుస్తున్న హిమపాతం కారణంగా అవలాంచ్‌లు ఏర్పడే ప్రమాదం ఉన్నందున కశ్మీర్‌లోని కొండ ప్రాంతాలకు అధికారులు హెచ్చరికలు చేశారు. రాబోయే 24 గంటలు ప్రజలు అప్రమత్తంగా ఉండాలని.. అనవసరంగా బయట తిరగొద్దని సూచిస్తున్నారు.

Also Read..

Hate Speech | విద్వేష ప్రసంగం.. ఇస్లామిక్‌ బోధకుడు అజారీ అరెస్ట్‌

Candida Auris | అమెరికాలో వేగంగా విస్తరిస్తున్న ప్రమాదకర వైరస్‌ క్యాండిడా ఆరిస్‌

Frontdesk Layoffs | గూగుల్‌మీట్‌ కాల్‌తో.. 2 నిమిషాల్లో 200మంది ఉద్యోగులను తొలగించిన టెక్‌ కంపెనీ ఫ్రంట్‌డెస్క్‌