హీరో మోటోకార్ప్‌ అధినేత పవన్‌ ముంజాల్‌ ఇంటిపై ఐటీ దాడులు

Pawan Munjal | దేశంలో అతిపెద్ద మోటార్‌ సైకిల్‌ తయారిదారీ సంస్థ హీరో మోటాకార్ప్‌ సీఈవో, ఎండీ పవన్‌ ముంజల్‌ (Pawan Munjal) ఇళ్లు, ఆఫీసులపై ఆదాయపు పన్ను శాఖ దాడులు నిర్వహిస్తున్నది. గురుగ్రామ్‌లోని ముంజల్‌ ఇళ్లు, ఆఫీసుల్లో బుధవారం ఉదయం నుంచి ఐటీ అధికారులు సోదాలు చేస్తున్నారు.

న్యూఢిల్లీ: దేశంలో అతిపెద్ద మోటార్‌ సైకిల్‌ తయారిదారీ సంస్థ హీరో మోటాకార్ప్‌ సీఈవో, ఎండీ పవన్‌ ముంజాల్‌ (Pawan Munjal) ఇళ్లు, ఆఫీసులపై ఆదాయపు పన్ను శాఖ దాడులు నిర్వహిస్తున్నది. గురుగ్రామ్‌లోని ముంజాల్‌ ఇళ్లు, ఆఫీసుల్లో బుధవారం ఉదయం నుంచి ఐటీ అధికారులు సోదాలు చేస్తున్నారు. ముంజల్‌తోపాటు హీరో సంస్థలోని ఉన్నత స్థాయి అధికారుల ఇళ్లల్లో కూడా ఏకకాలంలో దాడులు నిర్వహించారని సమాచారం. అయితే ఐటీ దాడులకు సంబంధించి హీరో కంపెనీ కానీ, ఆదాయపు పన్ను శాఖ కానీ అధికారికంగా ఎలాంటి వివరాలు విడుదల చేయలేదు.

Income Tax department conducting searches at multiple premises of Hero Motocorp. The office and residence of promoter Pawan Munjal and premises linked to the top officials of the company are covered in this search. More details awaited: Sources

— ANI (@ANI) March 23, 2022

కాగా, ఇటీవల ఐటీ శాఖ అధికారులు ఢిల్లీ రాజధాని ప్రాంతం, చండీగఢ్, లూథియానా, లక్నో, ఇండోర్‌లోని ప్రముఖ రియల్ ఎస్టేట్ సంస్థకు చెందిన 45 చోట్ల సోదాలు నిర్వహించారు. అక్కడ లభించిన సమాచారం ఆధారంగా పవన్‌ సహా సంస్థకు సంబంధించి అధికారుల ఇండ్లలో సోదాలు చేస్తున్నట్లు తెలిసింది.

హీరో మోటోకార్ప్‌.. దేశంలో అతిపెద్ద ద్విచక్రవాహన తయారీ సంస్థ. ఇది ఆసియా, ఆఫ్రికా, దక్షిణ అమెరికా, మధ్య అమెరికాలోని 40 దేశాల్లో తన కార్యకలాపాలను నిర్వహిస్తున్నది.