Budget session | భారత్‌ను మూడో ఆర్థిక శక్తిగా నిలుపుతాం.. రాష్ట్రపతి బడ్జెట్‌ ప్రసంగంలోని ముఖ్యాంశాలు

Budget session | ప్రపంచంలోనే భారత్‌ను మూడో ఆర్థిక శక్తిగా నిలపనున్నట్లు రాష్ట్రపతి ద్రౌపది ముర్ము (President Droupadi Murmu) తెలిపారు.

Budget session | ప్రపంచంలోనే భారత్‌ను మూడో ఆర్థిక శక్తిగా నిలపనున్నట్లు రాష్ట్రపతి ద్రౌపది ముర్ము (President Droupadi Murmu) తెలిపారు. దేశాభివృద్ధి ఫలాలు అందరికీ అందాలన్నదే తమ ఉద్దేశమని చెప్పారు. పార్లమెంట్‌ బడ్జెట్‌ సమావేశాలు (Budget session) ప్రారంభం సందర్భంగా ఉభయసభలను ఉద్దేశించి రాష్ట్రపతి ప్రసంగించారు. భారత సామాజిక చేతనకు మహాకుంభమేళా నిదర్శంగా నిలుస్తోందన్నారు. దేశాభివృద్ధి కోసం వేగంగా నిర్ణయాలు తీసుకుంటున్నట్లు చెప్పారు. తమ ప్రభుత్వ మూడో టర్మ్‌లో మూడు రెట్ల వేగంతో అభివృద్ధి సాగుతోందని రాష్ట్రపతి తెలిపారు.

‘బడ్జెట్‌-2025లో రైతులు, మహిళలు, పేదలు, యువతకు ప్రాధాన్యం ఇస్తున్నాం. రూ.70 వేల కోట్లతో గ్రామీణ రహదారులను అభివృద్ధి చేస్తున్నాం. 3 కోట్ల మంది పేద కుటుంబాలకు ఇళ్లు నిర్మిస్తున్నాం. దేశాభివృద్ధి ఫలాలు అందరికీ అందాలన్నదే మా లక్ష్యం. పేద, మధ్యతరగతి ప్రజలకు హోమ్‌ లోన్‌ సబ్సిడీ ఇస్తున్నాం. ఉద్యోగుల కోసం 8వ వేతన సంఘాన్ని నియమించాం. 25 కోట్ల మందిని పేదరికం నుంచి బయటకు తెచ్చాం. వన్‌ నేషన్‌ – వన్ ఎలక్షన్‌ దిశగా అడుగులు వేస్తున్నాం. ట్యాక్స్‌ విధానాలను సరళీకరించాం. భారత్‌ త్వరలోనే మూడో అతిపెద్ద ఆర్థిక వ్యవస్థగా మారుతుంది. చట్ట సభల్లో మహిళలకు రిజర్వేషన్లతో గొప్ప ముందడుగు వేస్తున్నాం. 70 ఏళ్లు దాటిన 6 కోట్లమందికి ఆరోగ్య బీమా కల్పిస్తున్నాం. యువతకు ఉద్యోగాల కల్పనపై ప్రత్యేక దృష్టి పెట్టాం. దేశంలో లక్షా 15 వేల మంది మహిళలు లక్‌పతీ దీదీలుగా మారారు. మూడు లక్షలమంది మహిళలను లక్‌పతీ దీదీగా మార్చాలన్నదే మా ప్రభుత్వ సంకల్పం’ అని రాష్ట్రపతిముర్ము తన ప్రసంగంలో వివరించారు.

రాష్ట్రపతి ప్రసంగంలోని ముఖ్యాంశాలు..

• భారత్‌ను గ్లోబల్‌ ఇన్నోవేషన్‌ పవర్‌హౌస్‌గా మారుస్తాం
• నేషనల్‌ రీసెర్చ్‌ ఫౌండేషన్‌ను ప్రారంభించాం
• ఇండియా AI మిషన్‌ను ప్రారంభించాం.
• MSMEల కోసం క్రెడిట్‌ గ్యారంటీ స్కీమ్‌ తీసుకొచ్చాం
• ఇ-గవర్నెన్స్‌కు ప్రాధాన్యం ఇస్తున్నాం
• ప్రపంచస్థాయిలో మౌలిక వసతులు కల్పిస్తున్నాం
• చిన్న వ్యాపారసంస్థలు దేశ ఆర్థిక వ్యవస్థకు వెన్నెముకలాంటివి
• ప్రపంచస్థాయి మౌలిక వసతులు కల్పిస్తున్నాం
• దేశీయ పౌరవిమాన రంగం అభివృద్ధి చెందుతోంది
• సైబర్‌ సెక్యూరిటీలో సమర్థతను పెంచుతున్నాం
• దేశ ఆర్థిక, సామాజిక, జాతీయ భద్రతకు డిజిటల్‌ మోసాలు, సైబర్‌ క్రైమ్‌, డీప్‌ ఫేక్‌ పెనుముప్పు
• పోలవరం ప్రాజెక్టు పూర్తిచేయడానికి కృషి చేస్తున్నాం
• పోలవరం నిర్మాణానికి 12 వేల కోట్లు కేటాయించాం
• దళితులకు, వెనుకబడిన వర్గాలకు ప్రభుత్వ అభివృద్ధి ఫలాలు
• ఆదివాసీల ప్రాంతాల్లో 30 మెడికల్‌ కాలేజీలు ప్రారంభించాం
• ప్రజారోగ్యం కోసం 1.75 లక్షల ఆరోగ్య మందిరాలు ఏర్పాటు చేశాం
• పెరుగుతున్న క్యాన్సర్‌ కేసులను దృష్టిలో ఉంచుకొని.. పలు క్యాన్సర్‌ ఔషధాలపై కస్టమ్స్‌ సుంకాలు తొలగించాం
• రాజ్యాంగం ముందునాటి చట్టాలను సమీక్షిస్తున్నాం
• ప్రస్తుత కాలానికి తగినట్లు ఆ చట్టాలను మారుస్తున్నాం
• రక్షణరంగంలో ఆత్మనిర్భరతకు ప్రాధాన్యం ఇస్తున్నాం
• అటల్‌ టన్నెల్‌, సోన్‌మార్గ్‌ టన్నెల్‌ వంటివి నిర్మించాం
• భారత మెట్రో నెట్‌వర్క్‌ 1000 కిలోమీటర్ల మైలురాయిని దాటింది. ప్రపంచంలోనే మూడో అతిపెద్ద మెట్రో నెట్‌వర్క్‌గా నిలిచింది
• భావితరాలను దృష్టిలో పెట్టుకొని నిర్ణయాలు తీసుకుంటున్నాం
• రైతుల ఆదాయాన్ని రెట్టింపు చేసేందుకు సాగు ఉత్పత్తులకు గిట్టుబాటు ధర అందిస్తున్నాం
• కచ్చితమైన వాతావరణ సమాచారాన్ని అందించేందుకు రూ.2000 కోట్లతో మిషన్‌ మౌసంను ప్రారంభించాం
• ఆర్టికల్‌ 370 తర్వాత జమ్ము కశ్మీర్‌లో పరిస్థితులు మెరుగయ్యాయి
• సరిహద్దుల రక్షణ, అంతర్గత భద్రత కోసం ప్రభుత్వం చరిత్రాత్మక నిర్ణయాలు తీసుకుంది
• నక్సల్స్‌ ప్రభావిత జిల్లాల సంఖ్య 38కు తగ్గింది
• సామాజకి, ఆర్థిక, రాజకీయ సుస్థిరతలో ఈ ప్రపంచానికి భారత్‌ ఆదర్శంగా నిలిచింది.
• మన ముందున్న ఏకైక లక్ష్యం.. వికసిత్‌ భారత్‌ నిర్మాణమే.

Also Read..

Economic Survey | మరికాసేపట్లో ఉభయసభల ముందుకు ఆర్థిక సర్వే

Budget session | కుంభమేళా తొక్కిసలాట బాధితులకు పార్లమెంట్‌ సంతాపం

Budget session | పార్లమెంట్‌ సమావేశాలు ప్రారంభం.. ఉభయసభలను ఉద్దేశించి రాష్ట్రపతి ప్రసంగం