Viral Video | త‌ల్లిని కోల్పోయి త‌ల్ల‌డిల్లిన బుల్లి వానరం..!
ఐఎఫ్ఎస్ అధికారి సుశాంత నంద ట్విట్ట‌ర్‌లో షేర్ చేసిన వీడియో(Viral Video) నెటిజ‌న్లను కంటత‌డి పెట్టిస్తోంది. చ‌నిపోయిన త‌ల్లిని చుట్టుకుని బుల్లి వానరం ఏడుస్తున్న వీడియో అంద‌రి హృద‌యాల‌ను మెలిపెడుతోంది.
న్యూఢిల్లీ : ఐఎఫ్ఎస్ అధికారి సుశాంత నంద ట్విట్ట‌ర్‌లో షేర్ చేసిన వీడియో(Viral Video) నెటిజ‌న్లను కంటత‌డి పెట్టిస్తోంది. చ‌నిపోయిన త‌ల్లిని చుట్టుకుని బుల్లి వానరం ఏడుస్తున్న వీడియో అంద‌రి హృద‌యాల‌ను మెలిపెడుతోంది. అస‌లు త‌న తల్లికి ఏమైందో కూడా తెలియ‌ని చిన్న వానరం క‌న్నీరుమున్నీర‌వుతోంది.
చ‌ల‌నం లేకుండా రోడ్డుపై ప‌డిఉన్న త‌ల్లిని లేపేందుకు బుల్లి వానరం ఎంత ప్ర‌య‌త్నించినా ఫ‌లితం లేకుండాపోయింది. కోతుల చుట్టూ ప‌లువురు మూగ‌డం ఈ వీడియోలో కనిపిస్తుంది. అసోంలోని రోడ్డుపై వేగంగా వెళుతున్న వాహ‌నం ఢీకొన‌డంతో తల్లి వానరం మ‌ర‌ణించింది.
https://twitter.com/susantananda3/status/1629040653165547521?s=20
ఈ దృశ్యం ఎప్ప‌టినుంచో వెంటాడుతోంది..అసోంలోని రోడ్డుపై వానరం విగ‌త‌జీవిగా ప‌డిఉంది..అయినా దాని ఒడిలో బుల్లి వానరం ఉంది. అస‌లు తల్లి అలా ఎందుకు ప‌డిఉందో తెలియ‌క బుల్లి వానరం త‌ల్ల‌డిల్లుతోంది..బుల్లి వాన‌రాన్ని సంర‌క్షించేందుకు అన్ని చ‌ర్య‌లూ చేప‌డ‌తామ‌ని వీడియోకు క్యాప్ష‌న్ ఇచ్చారు. ఇది చాలా విషాద‌క‌ర ఘ‌ట‌న అని ఓ యూజ‌ర్ కామెంట్ చేయ‌గా, హృద‌యాన్ని క‌లిచివేసే ఉదంత‌మ‌ని మ‌రో యూజ‌ర్ రాసుకొచ్చారు. ఇత‌రుల భ‌ద్ర‌త‌ను దృష్టిలో ఉంచుకుని ఎవ‌రైనా డ్రైవింగ్ చేయాల‌ని మ‌రొక‌రు సూచించారు.
Read More
Uorfi Javed | మా నాన్న ఎప్పుడూ హింసించేవాడు.. రెండుసార్లు ఆత్మహత్యాయత్నం చేశా: నటి ఉర్ఫీ జావేద్‌
Viral Video | ప‌క్షిని కాపాడితే అది ఫ్రెండ్‌గా మారి ఏం చేసిందంటే..!
Read Today's Latest National News in Telugu and Telugu News
- Follow Us :
-
