Viral Video | ప‌క్షిని కాపాడితే అది ఫ్రెండ్‌గా మారి ఏం చేసిందంటే..!

స్కూట‌ర్‌పై వెళుతున్న వ్య‌క్తిని ఓ భారీ ప‌క్షి అనుస‌రిస్తున్న వీడియో సోష‌ల్ మీడియాలో వైర‌ల్‌గా మారింది. ఐఏఎస్ అధికారి అవ‌నీష్ శ‌ర‌ణ్ ఈ వీడియోను షేర్ చేశారు.

న్యూఢిల్లీ : స్కూట‌ర్‌పై వెళుతున్న వ్య‌క్తిని ఓ భారీ ప‌క్షి అనుస‌రిస్తున్న వీడియో సోష‌ల్ మీడియాలో వైర‌ల్‌గా (Viral Video) మారింది. ఐఏఎస్ అధికారి అవ‌నీష్ శ‌ర‌ణ్ ఈ వీడియోను షేర్ చేశారు. వీడియోలో క‌నిపించే వ్య‌క్తి మ‌హ్మ‌ద్ ఆరిఫ్ కాగా ప‌క్షితో అతడి మైత్రిబంధం నెటిజ‌న్ల‌ను ఆక‌ట్టుకుంటోంది.

पिछले साल घायल हुए पक्षी की आरिफ ने जान बचाई. तब से दोनों की दोस्ती है.❤️ pic.twitter.com/8iOVzMBpuL

— Awanish Sharan 🇮🇳 (@AwanishSharan) February 24, 2023

యూపీలోని అమేథికి చెందిన ఆరిఫ్ ఓరోజు పొలంలో ఉండ‌గా గాయ‌ప‌డిన ప‌క్షి అత‌డి కంట‌ప‌డింది. ప‌క్షిని చేర‌దీసిన ఆరిఫ్ దాని ఆరోగ్యం కుదుట‌ప‌డేలా స‌ప‌ర్య‌లు చేస్తాడు. కోలుకున్న త‌ర్వాత ప‌క్షి ఎగురుకుంటూ వెళ్లిపోతుంద‌ని ఆరిఫ్ అనుకున్నాడు. అయితే త‌న‌ను కాపాడిన ఆరిఫ్‌ను అనుక్ష‌ణం ప‌క్షి అనుస‌రిస్తోంది.

ఆరిఫ్ ఎక్క‌డికి వెళ్లినా ప‌క్షి అత‌డిని అనుస‌రిస్తోంది. వారిద్ద‌రి మ‌ధ్య అనుబంధానికి ఈ వీడియో ఓ ఉదాహ‌ర‌ణ‌గా నిలుస్తోంది. వారి స్నేహానికి ముచ్చ‌ట‌ప‌డిన ఇంట‌ర్‌నెట్ వారిని షోలేలోని జై-వీరూగా పిలుస్తోంది.

Read More :

viral video | ప్లాస్టిక్ క‌వ‌ర్‌లో చేప‌ల పులుసు చేసేసింది..ఎలాగంటే..!