కరోనా నుంచి కోలుకున్న హర్యానా ఆరోగ్యశాఖ మంత్రి

గురుగ్రామ్‌ : హర్యానా హోం, ఆరోగ్యశాఖ మంత్రి అనిల్‌ విజ్‌ కరోనా నుంచి కోలుకున్నారు. గత 20 రోజులుగా గురుగ్రామ్‌లోని మేదాంత ఆసుపత్రిలో ఆయన చికిత్స పొందుతున్నారు. ఆరోగ్యం కాస్త మెరుగుపడటంతో బుధవారం వైద్యులు అనిల్‌ విజ్‌ను ఐసీయూ నుంచి సాధారణ గదికి మార్చారు. ‘దేవుడి దయ వల్ల కోలుకున్నాను. ప్రజల ప్రార్థనలు ఫలించాయి. ఐసీయూ నుంచి నన్ను వైద్యులు సాధారణ గదికి మార్చారు. అందరికీ కృతజ్ఞతలు’ అంటూ విజ్‌ ట్వీట్‌ చేశారు.

భారత్‌ బయోటెక్‌ తయారు చేసిన కొవాగ్జిన్‌ (కరోనా వ్యాక్సిన్‌) మూడో విడుత ట్రయల్స్‌కు ఆయన రాష్ట్రంలో మొట్టమొదటి వలంటీర్‌గా వ్యవహరించారు. నవంబర్‌ 20న అంబాలా ప్రభుత్వ ఆసుపత్రిలో మంత్రి అనిల్‌ విజ్‌ కొవాగ్జిన్‌ టీకా తీసుకున్నారు. అనంతరం 15 రోజుల తరువాత (డిసెంబర్‌ 5న) కొవిడ్‌-19 వైరస్‌ బారినపడ్డారు. నాటి నుంచి ఆయన దవాఖానలోనే చికిత్స పొందుతున్నారు.

ఇవి కూడా చదవండి..