Gaganyaan Mission: గ‌గ‌న్‌యాన్ టీవీ-డీ1 ప్ర‌యోగం స‌క్సెస్‌.. బంగాళాఖాతంలో దిగిన క్రూ మాడ్యూల్‌

Gaganyaan Mission: గ‌గ‌న్‌యాన్ క్రూ మాడ్యూల్ ప‌రీక్ష స‌క్సెస్ అయ్యింది. ఇవాళ 10 గంట‌ల‌కు శ్రీహ‌రికోట నుంచి రాకెట్ ద్వారా టీవీ-డీ1 ప‌రీక్ష చేప‌ట్టారు. నింగిలోకి వెళ్లిన క్రూ మాడ్యూల్ ఆ త‌ర్వాత పారాచూట్ల సాయంతో బంగాళాఖాతంలో సుర‌క్షితంగా దిగింది.

శ్రీహ‌రికోట‌: ఇస్రో చ‌రిత్ర సృష్టించింది. మ‌నుషుల‌ను నింగిలోకి పంపే ప్ర‌యోగంలో స‌క్సెస్ సాధించింది. గ‌గ‌న్‌యాన్ మిష‌న్‌(Gaganyaan)లో భాగంగా ఇవాళ జ‌రిగిన టీవీ-డీ1 ఫ్ల‌యిట్ టెస్ట్ విజ‌య‌వంత‌మైంది. తొలుత రెండు సార్లు ఈ రాకెట్ ప్ర‌యోగాన్ని వాయిదా వేసినా.. ఆ త‌ర్వాత ఉద‌యం 10 గంట‌ల‌కు ప్ర‌యోగాన్ని విజ‌య‌వంతంగా నిర్వ‌హించారు.

Mission Gaganyaan

TV D1 Test Flight is accomplished.

Crew Escape System performed as intended.

Mission Gaganyaan gets off on a successful note. @DRDO_India@indiannavy#Gaganyaan

— ISRO (@isro) October 21, 2023

టీవీ-డీ1 క్రూ మాడ్యూల్ అనుకున్న‌ట్లే నింగిలోకి దూసుకెళ్లి.. ఆ త‌ర్వాత బంగాళాఖాతంలో సుర‌క్షితంగా దిగింది. పారాచూట్ల ఆధారంగా మాడ్యూల్ నీటిపై వాలింది. మూడు పారాచూట్ల సాయంతో క్రూ మాడ్యూల్ దిగింది. సముద్రంలో ఉన్న ఇండియ‌న్ నేవీ ఆ మాడ్యూల్‌ను సేక‌రించ‌నున్న‌ది.

ఇవాళ ఉద‌యం 8 గంట‌ల‌కు వెద‌ర్ స‌రిగా లేని కార‌ణంగా ప్ర‌యోగాన్ని 8.45 నిమిషాల‌కు వాయిదా వేశారు. అయితే 8.45 నిమిషాల‌కు చేప‌ట్టిన‌ టీవీ-డీ1 ప్ర‌యోగంలో ఉద‌యం సాంకేతిక లోపం త‌లెత్తింది. రాకెట్ ఇంజిన్‌లో ఇగ్నిష‌న్ లోపం వ‌చ్చిన‌ట్లు ఇస్రో వెల్ల‌డించింది. ఇంజిన్ మండ‌క‌పోవ‌డం వ‌ల్ల అనుకున్న స‌మ‌యానికి గ‌గ‌న్‌యాన్ మాడ్యూల్ ప‌రీక్ష‌ను వాయిదా వేశారు. 5 సెక‌న్ల ముందు ప‌రీక్ష‌ను ర‌ద్దు చేశారు. అయితే ఆ ప‌రీక్ష‌ను ఉద‌యం 10 గంట‌ల‌కు నిర్వ‌హించారు.

#WATCH | Gaganyaan Mission: After the successful touch down of the crew escape module, ISRO chief S Somanath congratulates scientists pic.twitter.com/YQp6FZWXec

— ANI (@ANI) October 21, 2023

ప్ర‌తిష్టాత్మ‌క గ‌గ‌న్‌యాన్ మిష‌న్‌కు మ‌రింత ఉత్తేజం వ‌చ్చింది. టీవీ-డీ1 ఫ్ల‌యిట్ స‌క్సెస్ కావ‌డం ప‌ట్ల ఇస్రో చైర్మెన్ సోమ‌నాథ్ సంతోషం వ్య‌క్తం చేశారు. సాంకేతిక లోపాన్ని త్వ‌ర‌గా ప‌సిక‌ట్ట‌.. చాలా త‌క్కువ స‌మ‌యంలోనే మ‌ళ్లీ ప‌రీక్ష‌ను విజ‌య‌వంతంగా నిర్వ‌హించ‌డం ఆనందంగా ఉంద‌ని ఆయ‌న వెల్ల‌డించారు.

#WATCH | Sriharikota: ISRO Chief S Somanath says, “I am very happy to announce the successful accomplishment of the TV-D1 mission. The purpose of this mission was to demonstrate the crew escape system for the Gaganyaan program through a test vehicle demonstration in which the… pic.twitter.com/P34IpyPeVU

— ANI (@ANI) October 21, 2023