ఆదివారం 25 అక్టోబర్ 2020
National - Sep 23, 2020 , 09:41:06

దేశంలో 90 వేలు దాటిన క‌రోనా మృతులు

దేశంలో 90 వేలు దాటిన క‌రోనా మృతులు

న్యూఢిల్లీ: దేశంలో గ‌త‌ నాలుగు రోజులుగా త‌గ్గుతూ వ‌స్తున్న‌ క‌రోనా కేసులు మ‌ళ్లీ పెరిగాయి. నిన్న 75 వేల పాజిటివ్ కేసులు న‌మోద‌వ‌గా, ఈరోజు 83 వేల‌కుపైగా రికార్డ‌య్యాయి. దీంతో మొత్తం కేసులు 56 లక్ష‌లు దాటాయి. 

దేశంలో గ‌త 24 గంట‌ల్లో 83,347 పాజిటివ్ కేసులు న‌మోద‌య్యాయి. దీంతో ఇప్ప‌టివ‌ర‌కు న‌మోదైన‌ క‌రోనా కేసుల సంఖ్య 56,46,011కు చేరింది. ఇందులో 45,87,614 మంది బాధితులు కోలుకోగా, 9,68,377 మంది చికిత్స పొందుతున్నారు. నిన్న ఉద‌యం నుంచి ఇప్ప‌టివ‌ర‌కు 1085 మంది బాధితులు క‌రోనాతో మ‌ర‌ణించడంతో మొత్తం మృతులు 90,020కి చేరారు. 

దేశంలో నిన్న 9,53,683 మందికి క‌రోనా ప‌రీక్ష‌లు నిర్వ‌హించామ‌ని భార‌తీయ వైద్య ప‌రిశోధ‌నా మండ‌లి ప్ర‌క‌టించింది. దీంతో సెప్టెంబ‌ర్ 22 వ‌ర‌కు మొత్తం 6,62,79,462 న‌మూనాల‌ను ప‌రీక్షించామ‌ని వెల్ల‌డించింది.


logo