Rahul Gandhi | రాయ్‌బరేలిలోని పిపలేశ్వర హనుమాన్‌ ఆలయంలో రాహుల్‌ గాంధీ పూజలు

Rahul Gandhi | ఉత్తరప్రదేశ్‌ రాయ్‌బరేలి (Raebareli)లోని ఓ ఆలయాన్ని కాంగ్రెస్‌ అగ్రనేత రాహుల్‌ గాంధీ (Rahul Gandhi) సోమవారం సందర్శించారు.

Rahul Gandhi | ఉత్తరప్రదేశ్‌ రాయ్‌బరేలి (Raebareli)లోని ఓ ఆలయాన్ని కాంగ్రెస్‌ అగ్రనేత రాహుల్‌ గాంధీ (Rahul Gandhi) సోమవారం సందర్శించారు. ప్రముఖ పిపలేశ్వర హనుమాన్‌ మందిర్‌ (Pipaleshwar Hanuman Mandir)ని సందర్శించిన రాహుల్‌ అక్కడ ప్రత్యేక పూజలు చేశారు. ఐదో విడతలో భాగంగా రాయ్‌బరేలి లోక్‌సభ స్థానానికి ఇవాళ పోలింగ్‌ జరుగుతున్న విషయం తెలిసిందే. ఆ స్థానం నుంచి లోక్‌సభ ఎంపీగా బరిలోకి దిగిన సందర్భంగా ఆయన ఆలయాన్ని సందర్శించి ప్రత్యేక పూజలు చేశారు. రాహుల్‌ వెంట పలువురు కాంగ్రెస్‌ నేతలు ఉన్నారు.

#WATCH | Uttar Pradesh: Congress MP and candidate from Raebareli, Rahul Gandhi offers prayers at the Pipaleshwar Hanuman Mandir in Raebareli pic.twitter.com/iU5iqtCFUo

— ANI (@ANI) May 20, 2024

ఈ దశలో ఆరు రాష్ర్టాలు, రెండు కేంద్రపాలిత ప్రాంతాల్లోని 49 లోక్‌సభ నియోజకవర్గాల్లో ఎన్నికలు జరుగుతున్నాయి. 695 మంది అభ్యర్థుల భవితవ్యాన్ని ఓటర్లు తేల్చనున్నారు. వీరిలో కాంగ్రెస్‌ అగ్రనేత రాహుల్‌ గాంధీ, కేంద్ర మంత్రులు రాజ్‌నాథ్‌ సింగ్‌, స్మృతి ఇరానీ, పీయూష్‌ గోయల్‌, సాధ్వి నిరంజన్‌ జ్యోతి, జమ్ము కశ్మీర్‌ మాజీ ముఖ్యమంత్రి ఒమర్‌ అబ్దుల్లా, ఎల్జేపీ అధినేత చిరాగ్ పాశ్వాన్ సహా పలువురు కీలక నాయకులు కూడా ఉన్నారు. మొత్తం 94,732 పోలింగ్‌ స్టేషన్‌లలో 8.95 కోట్ల మంది ఓటర్లు తమ ఓటు హక్కు వినియోగించుకోనున్నారు. ఈ 49 స్థానాల్లో 40 స్థానాలు ఎన్డీయే సిట్టింగ్‌ స్థానాలు కావడంతో బీజేపీకి ఈ దశ చాలా కీలకంగా మారింది. ఇక కాంగ్రెస్‌ యూపీలో ఇప్పటికీ బలంగా కనిపిస్తున్న రాయ్‌బరేలీ, అమేథీ స్థానాల్లో ఫలితాలపై అందరి ఆసక్తి నెలకొంది.

Also Read..

Delhi Metro | ఢిల్లీ మెట్రోలో యువతి బెల్లీ డ్యాన్స్‌.. VIDEO

Encounter | ఛత్తీస్‌గఢ్‌లో ఎదురుకాల్పులు.. మావోల దాడిలో జవాను మృతి

Rave Party | బెంగళూరులో రేవ్‌పార్టీ.. పట్టుబడిన తెలుగు సినీ ప్రముఖులు