వంటకు ధరల మంట!

దేశంలో నిత్యావసర వస్తువుల ధరలు రోజు రోజుకూ మండిపోతున్నాయి. ప్రత్యేకించి కూరగాయల ధరలు గత 30 రోజుల నుంచి క్రమంగా పెరుగుతున్నాయి. ఈ ధరల భారంతో దేశంలోని ప్రతి 10 కుటుంబాల్లో దాదాపు 9 కుటుంబాలు సతమతమవుతున్నట్టు ‘లోకల్‌ సర్కిల్స్‌' తాజా సర్వేలో

కొండెక్కి కూర్చున్న కూరగాయలు
87 శాతం కుటుంబాలు సతమతం
‘లోకల్‌ సర్కిల్స్‌’ సర్వేలో వెల్లడి

న్యూఢిల్లీ, ఏప్రిల్‌ 12: దేశంలో నిత్యావసర వస్తువుల ధరలు రోజు రోజుకూ మండిపోతున్నాయి. ప్రత్యేకించి కూరగాయల ధరలు గత 30 రోజుల నుంచి క్రమంగా పెరుగుతున్నాయి. ఈ ధరల భారంతో దేశంలోని ప్రతి 10 కుటుంబాల్లో దాదాపు 9 కుటుంబాలు సతమతమవుతున్నట్టు ‘లోకల్‌ సర్కిల్స్‌’ తాజా సర్వేలో తేలింది. 311 జిల్లాల్లో జరిపిన ఈ సర్వేలో ప్రజల నుంచి 11,800 సమాధానాలు వచ్చాయి. మార్చి నుంచి క్రమంగా పెరుగుతున్న కూరగాయల ధరలతో దేశంలోని దాదాపు 87% కుటుంబాలు అల్లాడుతున్నట్టు ఈ సర్వేలో వెల్లడైంది.

సర్వే వివరాలు ఇవీ..

• F మార్చిలో కూరగాయల ధరలు తారాస్థాయికి చేరినట్టు సర్వేలో తేలింది.
• F ప్రస్తుతం కూరగాయలకు 25% కంటే ఎక్కువ మొత్తాన్ని వెచ్చించాల్సి వస్తున్నదని 37% మంది చెప్పారు.
• F గత నెలతో పోలిస్తే ఇప్పుడు ప్రతి కిలో కూరగాయలకు 10 నుంచి 25 శాతం మొత్తాన్ని అధికంగా చెల్లిస్తున్నట్టు 36% మంది.. 0 నుంచి 10 శాతం మొత్తాన్ని ఎక్కువగా చెల్లిస్తున్నట్టు 14% మంది తెలిపారు.
• F మార్చితో పోలిస్తే ఇప్పుడు కిలో కూరగాయలకు 25 నుంచి 50 ఎక్కువ మొత్తాన్ని వెచ్చించాల్సి వస్తున్నదని దాదాపు 25% మంది.. 50 నుంచి 100 శాతం మొత్తాన్ని అదనంగా చెల్లించాల్సి వస్తున్నదని 5% మంది పేర్కొన్నారు.
• F కూరగాయల ధరలు రెట్టింపు కంటే అధికమయ్యాయని 7% మంది చెప్పారు.
• F గతంతో పోలిస్తే ఇప్పుడు కూరగాయలకు తక్కువ మొత్తాన్ని చెల్లిస్తున్నామని కేవలం 2% మంది.. ధరల్లో ఎలాంటి మార్పు లేదని 4% మంది తెలిపారు.
• F గతంలో ఉన్న కూరగాయల ధరలకు, ఇప్పుడు ఉన్న ధరలకు తేడా తెలియడం లేదని 7% పేర్కొన్నారు.
• F సర్వేలో పాల్గొన్నవారిలో పురుషులు 64% మంది, మహిళలు 36% మంది ఉన్నారు.
• F మొత్తంగా ఈ సర్వేలో ప్రథమ శ్రేణి నగరాల నుంచి 48% మంది, ద్వితీయ శ్రేణి నగరాల నుంచి 29% మంది.. టైర్‌-3, టైర్‌-4 నగరాలతోపాటు గ్రామీణ జిల్లాల నుంచి 23% శాతం మంది పాల్గొన్నారు.