Ramannapet : రోడ్డు భద్రతా నియమాలు తప్పక పాటించాలి : సీనియర్ సివిల్ జడ్జి జి.సబిత

రోడ్డు భద్రతా నియమాలు ప్ర‌జ‌లు తప్ప‌క‌ పాటించాలని సీనియర్ సివిల్ జడ్జి, మండల న్యాయ సేవా అధికార సంస్థ చైర్మన్ జి.సబిత అన్నారు. రోడ్డు భద్రతా మాసోత్సవ సందర్భంగా బుధవారం జిల్లా న్యాయ సేవా అధికార సంస్థ యాదాద్రి భువనగిరి జిల్లా ఆదేశానుసారం..

రామన్నపేట, జనవరి 07 : రోడ్డు భద్రతా నియమాలు ప్ర‌జ‌లు తప్ప‌క‌ పాటించాలని సీనియర్ సివిల్ జడ్జి, మండల న్యాయ సేవా అధికార సంస్థ చైర్మన్ జి.సబిత అన్నారు. రోడ్డు భద్రతా మాసోత్సవ సందర్భంగా బుధవారం జిల్లా న్యాయ సేవా అధికార సంస్థ యాదాద్రి భువనగిరి జిల్లా ఆదేశానుసారం, మండల న్యాయ సేవా అధికార సంస్థ రామన్నపేట అధ్వర్యంలో ప్రభుత్వ జూనియర్ కళాశాలలో అవగాహన సదస్సు ఏర్పాటు చేశారు. ఈ కార్యక్రమానికి ముఖ్య అతిథులుగా సీనియర్ సివిల్ జడ్జి జి.సబిత, ప్రిన్సిపల్ జూనియర్ సివిల్ జడ్జి ఎస్.శిరీష, సెకండ్ క్లాస్ మేజిస్ట్రేట్ డి.సత్తయ్య హాజరయ్యారు. ఈ సంద‌ర్భంగా వారు మాట్లాడుతూ.. ట్రాఫిక్ నియమ నిబంధనలు తప్పనిసరిగా పాటిస్తూ డ్రైవింగ్ లేదా కాలినడకన వెళ్లేటప్పుడు జాగ్రత్తగా ఉండాలన్నారు. ప్రతి ఒక్కరూ డ్రైవింగ్ చేసేటప్పుడు సీట్ బెల్ట్‌, హెల్మెట్లు తప్పనిసరిగా ధరించాలన్నారు.

నిబంధనలు ఉల్లంఘించిన యెడల మోటారు వాహన చట్టం ప్రకారం శిక్షకు అర్హులవుతారన్నారు. కావునా అందరూ అవగాహనతో ఉండాలన్నారు. 18 సంవత్సరాలు దాటిన ప్రతి ఒక్కరు లైసెన్సులు పొందాలని, డ్రైవింగ్ లైసెన్స్ లేకుండా వాహ‌నాలు న‌డిపి ప‌ట్టుబ‌డితే వారి తల్లిదండ్రులు శిక్షకు అర్హులు అవుతారన్నారు. ట్రాఫిక్ సిగ్నల్ అనుగుణంగా రోడ్డు క్రాస్ చేసి వెళ్లాలని, సిగ్నల్స్ చూసుకుంటూ బండి డ్రైవింగ్ చేస్తూ వెళ్లాలని తెలియజేశారు. అనంతరం ఈ కార్యక్రమానికి హాజరైన వారందరిచే ఈ మాతోత్సవాలకు సంబంధించిన ప్రతిజ్ఞ చేయించారు.

ఈ కార్యక్రమంలో జిల్లా రవాణా శాఖ అసిస్టెంట్ మోటార్ వెహికల్ ఇన్‌స్పెక్ట‌ర్లు హర్షవర్ధన్ రెడ్డి, ప్రణీత్ రెడ్డి, రామన్నపేట తాసీల్దార్ లాల్ బహుదూర్, సర్కిల్ ఇన్‌స్పెక్ట‌ర్ ఎన్.వెంకటేశ్వర్లు, బార్ అసోసియేషన్ అధ్యక్షుడు ఎంఎ.మసీద్, కమిటీ సభ్యులు, ఏజీపీ సుక్క శ్రావణ్ కుమార్, సీనియర్ అడ్వకేట్ జినుకల ప్రభాకర్, ప్యానల్ అడ్వకేట్లు బి.డేవిడ్, మామిడి వెంకట్ రెడ్డి, అడ్వకేట్లు ఎన్.మోగిలయ్య, దినేశ్‌, యాదాసు యాదయ్య, కునూరు శ్రీనివాస్, జూనియర్ కళాశాల ప్రిన్సిపాల్ సిహెచ్.జగదీష్, మండల విద్యాధికారి గవ్వ జ్యోతి, సబ్ ఇన్స్పెక్ట‌ర్ డి.నాగరాజు, ప్రైవేట్, ప్రభుత్వ పాఠశాల అధ్యాపకులు, స్కూల్ కరస్పాండెంట్ చిట్టిబాబు, మల్లిఖార్జున్, నరేందర్ రెడ్డి, మాటిన్, లీగల్ సర్వీసెస్ టీమ్ సభ్యులు బత్తుల గణేష్, కోక సబిత, పోలీస్ సిబ్బంది, కోర్టు సిబ్బంది, జూనియర్ కళాశాల విద్యార్థులు, వివిధ పాఠశాలల విద్యార్థులు, పాల్గొన్నారు.