మునుగోడు మండల పురోహితులకు అరుదైన గౌరవo

మునుగోడు మండల పురోహితులు ఉప్పల అభిలాష్ శర్మ, కార్తీక్ శర్మకు హైదరాబాద్ అభినయ కళాక్షేత్రం వారు ఆదివారం ప్రతిష్టాత్మక నంది అవార్డు ప్రదానం చేసి "పురోహిత రత్న" బిరుదుతో ఘనంగా సత్కరించారు.

మునుగోడు, ఫిబ్రవరి 23 : మునుగోడు మండల పురోహితులు ఉప్పల అభిలాష్ శర్మ, కార్తీక్ శర్మకు హైదరాబాద్ అభినయ కళాక్షేత్రం వారు ఆదివారం ప్రతిష్టాత్మక నంది అవార్డు ప్రదానం చేసి “పురోహిత రత్న” బిరుదుతో ఘనంగా సత్కరించారు. ప్రసాద్ ల్యాబ్స్ లో జ‌రిగిన ఈ కార్యక్రమానికి పలువురు సినీ ప్రముఖులు, దేవీ ఉపాసకులు హాజరై అభినందించారు. పురోహిత సేవల ద్వారా ఆధ్యాత్మిక రంగంలో విశిష్ట సేవలు అందిస్తున్న అభిలాష్ శర్మ, కార్తీక్ శర్మకు ఈ గౌరవం దక్కడం మునుగోడు గ్రామానికి గర్వకారణమైంది. ఈ సందర్భంగా నిర్వాహకులు మాట్లాడుతూ సంప్రదాయాలను పరిరక్షిస్తూ సమాజానికి మార్గనిర్దేశం చేస్తున్న పురోహితులను ప్రోత్సహించడం తమ లక్ష్యమని తెలిపారు.