‘చిన్నారుల‌కు నాణ్యమైన పౌష్టికాహారం అందించాలి’

అంగన్‌వాడీ కేంద్రాలకు వచ్చే చిన్నారులు, బాలింతలు, గర్భిణులకు పౌష్టికాహారం అందించాలని న‌ల్ల‌గొండ‌ 48వ డివిజన్ కార్పొరేటర్ యమా కవితరాణి దయాకర్ అన్నారు. బుధవారం పట్టణంలోని 48 డివిజన్ పరిధిలోని రామగిరి అంగన్‌వాడీ కేంద్రంలో..

నీలగిరి, మార్చి 25 : అంగన్‌వాడీ కేంద్రాలకు వచ్చే చిన్నారులు, బాలింతలు, గర్భిణులకు పౌష్టికాహారం అందించాలని న‌ల్ల‌గొండ‌ 48వ డివిజన్ కార్పొరేటర్ యమా కవితరాణి దయాకర్ అన్నారు. బుధవారం పట్టణంలోని 48 డివిజన్ పరిధిలోని రామగిరి అంగన్‌వాడీ కేంద్రంలో స్థాయి సంఘం (ఏఎల్ఎంసి) సమావేశం నిర్వహించారు. ఈ సందర్భంగా ఆమె మాట్లాడుతూ మహిళలు, చిన్నారుల్లో రక్తహీనతను తగ్గించేందుకు ప్రభుత్వం పౌష్టికాహారాన్ని పంపిణీ చేస్తోందని తెలిపారు. అర్హులు దీనిని సద్వినియోగం చేసుకోవాలని కోరారు. అంగన్‌వాడీ కేంద్రం సమస్యలను తన దృష్టికి తీసుకువ‌స్తే ప‌రిష్క‌రించేందుకు కృషి చేస్తాన‌ని పేర్కొన్నారు. ఈ కార్యక్రమంలో సూపర్‌వైజ‌ర్ లక్ష్మ‌మ్మ‌, అంగన్‌వాడీ టీచర్ బొబ్బలి శ్రీలక్ష్మి, ఆయా బానుచంద్ర, బాలింతలు, చిన్నారుల తల్లులు మనీషా, శ్వేతా, స్వప్న, లలిత, ప్రమీల, అరుణ, కావ్య, వేదశ్రీ, చైల్డ్ వెల్ఫ్ లైన్ కౌన్సిలర్ మహేశ్‌ పాల్గొన్నారు.