మరింత అభివృద్ధి దిశగా ‘మహాత్మా’

 విద్యార్థులకు అన్ని రకాల అవకాశాలు కల్పిస్తూ మహాత్మాగాంధీ యూనివర్సిటీ మరింత ముందుకు వెళ్తున్నది. పీహెచ్‌డీ నోటిఫికేషన్‌ జారీ చేయించి పరిశోధన కేంద్రంగా తీర్చిదిద్దేలా నిపుణులతో ప్రణాళికలు రూపొందించి అభివృద్ధి పథం వైపు తీసుకెళ్తున్నారు

• అభివృద్ధిలో తనదైన ముద్ర వేస్తున్న వీసీ ప్రొ॥ సీహెచ్‌ గోపాల్‌రెడ్డి
• ఎంజీయూలో గవర్నర్‌ తమిళిసైతో గాంధీ విగ్రహావిష్కరణ
• ‘ఎన్‌ఏడీ’లో విద్యార్థుల సర్టిఫికెట్స్‌ చూసుకునే వెసులుబాటు
• పరిశోధనల దిశగా ప్రోత్సాహకాలు, పీహెచ్‌డీ కోర్సుల్లో ప్రవేశాలు

రామగిరి, జూలై 24 : విద్యార్థులకు అన్ని రకాల అవకాశాలు కల్పిస్తూ మహాత్మాగాంధీ యూనివర్సిటీ మరింత ముందుకు వెళ్తున్నది. పీహెచ్‌డీ నోటిఫికేషన్‌ జారీ చేయించి పరిశోధన కేంద్రంగా తీర్చిదిద్దేలా నిపుణులతో ప్రణాళికలు రూపొందించి అభివృద్ధి పథం వైపు తీసుకెళ్తున్నారు యూనివర్సిటీ వీసీ ప్రొ.చొల్లేటి గోపాల్‌రెడ్డి.
గత సంవత్సంర మే 24న వీసీగా బాధ్యతలు చేపట్టిన నాటి నుంచే తనదైన శైలిలో నూతన ఆవిష్కరణలు, సంస్కరణలతో ఎంజీయూను ఆదర్శంగా తీర్చిదిద్దుతూ అజాతశత్రువుగా పలువురి మన్నలు పొందుతున్నారు.

అందుబాటులోకి తీసుకొచ్చిన అంశాలు..

• ఎంజీయూ వీసీగా బాధ్యతలు చేపట్టిన ప్రొ.గోపాల్‌రెడ్డి విద్యార్థుల పరిశోధనల కోసం పెద్దపీట వేస్తున్నారు. పీహెచ్‌డీ నోటిఫికేషన్‌ ఇచ్చి ప్రవేశాలు పూర్తి చేసేందుకు అన్ని ఏర్పాట్లు చేశారు. l రాష్ట్ర గవర్నర్‌, యూనివర్సిటీ ఛాన్స్‌లర్‌ తమిళిసైతో ఎంజీయూలో గాంధీ విగ్రహాన్ని ఆవిష్కరించారు. l విద్యార్థులు తమ సర్టిఫికెట్లను ఆన్‌లైన్‌లో చూసుకునేలా ఎన్‌ఏడీ(నేషనల్‌ అకాడమిక్‌ డిపాజిటరీ)లో ఎంజీయూను పొందుపర్చారు. తెలంగాణలోనే ఎన్‌ఏడీలో నమోదైన ఏకైక యూనివర్సిటీ ఎంజీయూ కావడం గమనార్హం.
• త్వరలోనే మూడో స్నాతకోత్సవం నిర్వహణకు చర్యలు.
• న్యాక్‌ పునఃపరిశీలన కోసం అధికారులను ఆహ్వానించేందుకు సర్వం సిద్ధం చేశారు. l యూనివర్సిటీలో విద్యార్థుల సౌకర్యార్థం మహిళలు, పురుషులకు వేర్వేరుగా నిర్మించిన అదనపు హాస్టల్‌ భవనాలను అందుబాటులోకి తీసుకొచ్చారు. స్టాఫ్‌ క్వార్టర్స్‌, వీసీ లాంజ్‌, పరీక్షల విభాగాలతోపాటు ఇండోర్‌ స్టేడియం, ఆంపీ థియేటర్‌ భననాల నిర్మాణాలు ప్రారంభానికి సిద్ధంగా ఉన్నాయి. l పలు పరిశోధన, వ్యాపార సంస్థలతో అవగాహన ఒప్పందాలు(ఎంవోయూ) చేసుకుని విద్యార్థులకు ఉద్యోగావకాశాలు కల్పిస్తున్నారు.
• పోటీ పరీక్షలకు సిద్ధమయ్యే విద్యార్థుల సౌకర్యార్థం కాంపిటేషన్‌ సెల్‌ ఏర్పాటు చేసి రాష్ట్ర స్థాయి నిపుణులతో శిక్షణ ఇప్పిస్తున్నారు.
• పోలీస్‌ ఉద్యోగాలకు సిద్ధమయ్యే విద్యార్థులు 12వ బెటాలియన్‌ అధికారులతో ఫిజికల్‌ ఈవెంట్స్‌లో శిక్షణ ఇస్తున్నారు.
• 60KW సామర్థ్యం గల సోలార్‌ పవర్‌ ప్లాంట్‌కు ఏర్పాట్లు చేస్తున్నారు. ఇలా ఎన్నో అంశాల్లో అభివృద్ధికి చర్యలు తీసుకుంటూ.. అటు ప్రభుత్వం, ఇటు శాసన మండలి చైర్మన్‌, జిల్లా మంత్రి వర్యులు, ప్రజాప్రతినిధులు, అధికారులతోపాటు ఎంజీయూ పాలక మండలి సభ్యులు, దాతల సమన్వయంతో ముందుకెళ్తున్నారు.

 

విద్యార్థుల అభివృద్ధే లక్ష్యంగా ముందుకు ప్రభుత్వ
ఆదేశాలతో, అధికారుల సమన్వయంతో ఎన్నో సంస్కరణలు తీసుకొచ్చి విద్యార్థుల అభివృద్ధే ధ్యేయంగా అందరి సహకారంతో ముందుకెళ్తున్నాం. ఎంజీయూలో నూతనంగా నిర్మించిన అభివృద్ధి పనులను
త్వరలోనే ప్రారంభించనున్నాం. అందరి సహకారంతో భవిష్యత్‌లో మరిన్ని అభివృద్ధి పనులు చేపట్టి పరిశోధనా కేంద్రంగా ఎంజీయూను తీర్చిదిద్దుతాం.
– ప్రొ.సీహెచ్‌ గోపాల్‌రెడ్డి, వీసీ, ఎంజీయూ