Rakul Preet Singh | అవార్డు వేదికపై రకుల్‌కు అవ‌మానం.. వైరల్ వీడియోపై జగ్గీ వివరణ

Rakul Preet Singh | టాలీవుడ్‌లో గ్లామర్, నటనతో ప్రత్యేక గుర్తింపు తెచ్చుకున్న ర‌కుల్ ప్రీత్ సింగ్ మరోసారి సోషల్ మీడియాలో హాట్ టాపిక్ అయ్యారు. ఓ ప్రైవేట్ అవార్డు వేడుకలో చోటుచేసుకున్న చిన్న సంఘటన పెద్ద చర్చకు దారి తీసింది.

Rakul Preet Singh | టాలీవుడ్‌లో గ్లామర్, నటనతో ప్రత్యేక గుర్తింపు తెచ్చుకున్న ర‌కుల్ ప్రీత్ సింగ్ మరోసారి సోషల్ మీడియాలో హాట్ టాపిక్ అయ్యారు. ఓ ప్రైవేట్ అవార్డు వేడుకలో చోటుచేసుకున్న చిన్న సంఘటన పెద్ద చర్చకు దారి తీసింది. 2011లో విడుదలైన కెరటం సినిమాతో టాలీవుడ్‌లో అడుగుపెట్టిన రకుల్, 2013లో వచ్చిన వెంకటాద్రి ఎక్స్‌ప్రెస్ ద్వారా మంచి గుర్తింపు పొందారు. ఆ తర్వాత లౌక్యం, సరైనోడు, ధృవ, నాన్నకు ప్రేమతో వంటి వరుస విజయాలతో స్టార్ హీరోయిన్‌గా ఎదిగారు. అగ్ర హీరోల సరసన నటించి టాలీవుడ్‌లో తనదైన ముద్ర వేశారు.

ఇటీవల జరిగిన ఒక ప్రైవేట్ అవార్డు ఫంక్షన్‌లో రకుల్ ప్రీత్ సింగ్ అవార్డులు ప్రదానం చేస్తున్నారు. ఈ సందర్భంగా ఫిట్‌నెస్ ఇన్‌ఫ్లుయెన్సర్ జగ్గీ అవార్డు స్వీకరించేందుకు వేదికపైకి వచ్చారు. అయితే అవార్డు తీసుకుంటున్న సమయంలో రకుల్ వైపు చూడకపోవడం, షేక్‌హ్యాండ్ ఇవ్వకుండానే వెళ్లిపోవడం వీడియోలో కనిపించింది. ఈ దృశ్యం సోషల్ మీడియాలో వైరల్ కావడంతో నెటిజన్ల మధ్య చర్చ మొదలైంది. వీడియోలో రకుల్ కొంత ఆశ్చర్యంగా జగ్గీ వైపు చూసినట్లు కనిపించడంతో, ఇది అవమానమా? లేక సాధారణ పరిస్థితేనా? అనే చర్చ నడిచింది.

వీడియో వైరల్ కావడంతో జగ్గీ స్పందించారు. తనకంటే ముందు అవార్డు తీసుకున్న మహిళకు రకుల్ షేక్‌హ్యాండ్ ఇవ్వలేదని గమనించానని, అందుకే తాను కూడా సాధారణంగా అవార్డు తీసుకుని వెళ్లిపోయానని తెలిపారు. ఇది వ్యక్తిగత అసహనం కాదని, అక్కడి పరిస్థితిని అనుసరించానని స్పష్టం చేశారు.ఇప్పటివరకు ఈ ఘటనపై రకుల్ ప్రీత్ సింగ్ అధికారికంగా స్పందించినట్టు సమాచారం లేదు. అయితే నెటిజన్లు మాత్రం విభిన్న అభిప్రాయాలు వ్యక్తం చేస్తున్నారు. కొందరు జగ్గీ ప్రవర్తన సరిగా లేదని విమర్శిస్తుండగా, మరికొందరు ఇది చిన్న అపార్థం మాత్రమేనని అంటున్నారు.

ఇక రకుల్ ప్రీత్ సింగ్ వ్యక్తిగత జీవితానికి వస్తే, ఆమె 2024లో నటుడు-నిర్మాత జాకీ భగ్నానీను వివాహం చేసుకున్నారు. ప్రస్తుతం ముంబైలో స్థిరపడి బాలీవుడ్ ప్రాజెక్టులతో బిజీగా ఉన్నారు. దే దే ప్యార్ దే 2, పతి పత్నీ ఔర్ వో 2, అలాగే రామాయణ వంటి హిందీ చిత్రాల్లో నటిస్తున్నారు. ఇటీవల షూటింగ్ సమయంలో గాయపడినా కోలుకుని మళ్లీ పనుల్లో నిమగ్నమయ్యారు. తెలుగు సినిమాలకు కొంత విరామం ఇచ్చిన రకుల్, సరైన కథ వస్తే మళ్లీ టాలీవుడ్‌లో నటించే అవకాశముందని సినీ వర్గాలు చెబుతున్నాయి. మొత్తానికి, చిన్న స్టేజ్ మోమెంట్ సోషల్ మీడియాలో పెద్ద చర్చకు దారి తీసిన ఘటనగా మారింది.

So Here’s The Clarification Of Lakshya Jaggi About This Incident Of Rakul Preet Singh. https://t.co/MhurlN7fSU pic.twitter.com/HgptBZAb48

— आदेश 🚩 (@ADfanatic_New) February 23, 2026