పాలీసెట్‌లో మనోళ్ల ప్రతిభ

పాలిటెక్నిక్‌ డిప్ల్లొమో కోర్సుల్లో ప్రవేశానికి నిర్వహించిన టీఎస్‌ పాలీసెట్‌లో ఉమ్మడి నల్లగొండ జిల్లా విద్యార్థులు ప్రతిభ చాటారు. రాష్ట్ర సాంకేతిక విద్య, శిక్షణ మండలి బుధవారం విడుదల చేసిన ఫలితాల్లో ఎంపీసీ స్ట్రీమ్‌ విభాగంలో 120 మార్కులకుగాను 119 మార్కులతో స్టేట్‌ సెకండ్‌ ర్యాంకును సూర్యాపేట విద్యానగర్‌కు చెందిన సూరినేని భానుప్రసాద్‌

సత్తాచాటిన ఉమ్మడి జిల్లా విద్యార్థులు
ఎంపీసీలో సూర్యాపేట విద్యార్థులకు సెకండ్‌ ర్యాంక్‌
ఎంబీపీసీలో 6, 9, 10, 11, 15 ర్యాంకులు మనవే..

పాలిటెక్నిక్‌ డిప్ల్లొమో కోర్సుల్లో ప్రవేశానికి నిర్వహించిన టీఎస్‌ పాలీసెట్‌లో ఉమ్మడి నల్లగొండ జిల్లా విద్యార్థులు ప్రతిభ చాటారు. రాష్ట్ర సాంకేతిక విద్య, శిక్షణ మండలి బుధవారం విడుదల చేసిన ఫలితాల్లో ఎంపీసీ స్ట్రీమ్‌ విభాగంలో 120 మార్కులకుగాను 119 మార్కులతో స్టేట్‌ సెకండ్‌ ర్యాంకును సూర్యాపేట విద్యానగర్‌కు చెందిన సూరినేని భానుప్రసాద్‌, కోదాడ శ్రీనివాసనగర్‌కు చెందిన చిత్తలూరి సాయిరోహిత్‌ దక్కించుకున్నారు. ఎంబీపీసీలో 6 నుంచి 15 ర్యాంకులు ఉమ్మడి జిల్లా విద్యార్థులవే కావడం విశేషం.

రామగిరి, జూలై 13 : పాలిటెక్నిక్‌ డిప్లొమా కోర్సుల్లో ప్రవేశానికి నిర్వహించిన టీఎస్‌ పాలీసెట్‌ -2022 ఫలితాలను రాష్ట్ర సాంకేతిక విద్య, శిక్షణ సంస్థ బుధవారం విడుదల చేసింది. గత నెల 30న ప్రవేశ పరీక్ష నిర్వహించగా ఉమ్మడి జిల్లా విద్యార్థులు ఉత్తమ ర్యాంకులు సాధించి సత్తా చాటారు.ఎంపీసీ విభాగంలో సూర్యాపేటలోని విద్యానగర్‌కు చెందిన సూరినేని భానుప్రసాద్‌119/120 మార్కులు సాధించి రాష్ట్ర స్థాయిలో 2వ ర్యాంకు, కోదాడలోని శ్రీనివాసనగర్‌కు చెందిన చిత్తలూరి సాయిరోహిత్‌ 5వ ర్యాంకు సాధించారు.

ఫలితాల్లో టాపర్లుగా నిలిచింది వీరే..
నల్లగొండ జిల్లా మాడ్గులపల్లి మండలం ఇందుగులకు చెందిన కల్లు జాహ్నవిరెడ్డి ఎంబీపీసీ విభాగంలో 115/120 మార్కులు సాధించి రాష్ట్ర స్థాయిలో 9వ ర్యాంకు సూర్యాపేట జిల్లాకు చెందిన మద్ది హర్షిణి 144.5/120, దేవరకొండలోని సాయిసూర్యనగర్‌కాలనీకి చెందిన చాట్ల అవినాశ్‌ తేజ 144.5/120, మార్కులతో రాష్ట్ర స్థాయిలో 10,11వ ర్యాంకులు కైవసం చేసుకున్నారు. ఎంబీపీసీ విభాగంలో మాడిపెద్ది ప్రమోద్‌ రాష్ట్రస్థ్ధాయిలో 15వ ర్యాంకు సాధించారు.

సూర్యాపేట జిల్లాలో..

• ఎంబీపీసీ విభాగంలో కోదాడ పట్టణంలోని శ్రీ స్కూల్‌కు చెందిన చిత్తలూరి సాయి రోహిత్‌ రాష్ట్ర స్థాయిలో 2వ ర్యాంకు, సాలర్‌జంగ్‌పేటకు చెందిన గజ్జి నాగరాజు రాష్ట్ర స్థాయిలో 6వ ర్యాంకు సాధించి సత్తా చాటారు.
• ఎంపీసీ విభాగంలో సూర్యాపేటలోని అనదూరిస్ట్రీట్‌కు చెందిన కందిబండ వెంకటేశ్‌ 118/120 మార్కులతో రాష్ట్ర స్థాయిలో 5వ ర్యాంకు సాధించారు. ఇదే విద్యార్థ్ధి ఎంబీపీసీ విభాగంలో రాష్ట్ర స్థ్ధాయిలో 40వ ర్యాంకు సాధించారు.

యాదాద్రి భువనగిరి జిల్లాలో…

• ఎంబీపీసీ విభాగంలోమహేశ్వరం సాయివినయ్‌ 114/120 మార్కులు సాధించి రాష్ట్ర స్థాయిలో 14వ ర్యాంకు సాధించారు. అదే విధంగా పోకల శ్రీలత 108.5 మార్కులతో 89వ ర్యాంకు, వల్లాల అర్జున్‌ 102.5 మార్కులతో 279వ ర్యాంకు సాధించారు.
• ఎంపీసీ విభాగంలో నల్ల పవన్‌కుమార్‌ 113/120 మార్కులతో 82వ ర్యాంకు సాధించారు.

 

జిల్లా వారీగా ఉత్తీర్ణత ఇలా…

• నల్లగొండ జిల్లా వ్యాప్తంగా 4,220 మంది విద్యార్థులు హాజరు కాగా 3,285 మంది ఉత్తీర్ణత సాధించారు. వీరిలో ఎంపీసీ విభాగంలో 77.84 శాతం,ఎంబీపీసీ విభాగంలో 78.27శాతం ఉత్తీర్ణత సాధించారు.
• సూర్యాపేట జిల్లాలో 3,298 మంది విద్యార్థులు హాజరుకాగా 2,644 మంది ఉత్తీర్ణత సాధించారు. వీరిలో ఎంపీసీ విభాగంలో 80.17శాతం, ఎంబీపీసీ విభాగంలో81.14శాతం ఉత్తీర్ణత సాధించారు.
• యాదాద్రిభువనగిరి జిల్లాలో 1,666 మంది విద్యార్థులు హాజరుకాగా1,217మంది ఉత్తీర్ణత సాధించారు. వీరిలో ఎంపీసీ విభాగంలో 73.05 శాతం, ఎంబీపీసీ విభాగంలో 75.81శాతం ఉత్తీర్ణత సాధించారు.