కంటి వెలుగు దేశానికి ఆదర్శం
పేదల కోసం సీఎం కేసీఆర్‌ ప్రతిష్టాత్మకంగా చేపట్టిన కంటి వెలుగు పథకం దేశానికి ఆదర్శంగా నిలిచిందని రాజ్యసభ సభ్యుడు బడుగుల లింగయ్యయాదవ్‌ అన్నారు.
- కేతేపల్లిలో కంటివెలుగు శిబిరం ప్రారంభంలో ఎంపీ బడుగుల లింగయ్యయాదవ్‌
- నార్కట్‌పల్లి మండలంలో జడ్పీ చైర్మన్‌ బండ నరేందర్‌రెడ్డి, నల్లగొండ, మునుగోడు మండలాల్లో ఎమ్మెల్యేలు కంచర్ల భూపాల్‌రెడ్డి,కూసుకుంట్ల ప్రభాకర్‌రెడ్డి ప్రారంభం
కేతేపల్లి, జనవరి 19 : పేదల కోసం సీఎం కేసీఆర్‌ ప్రతిష్టాత్మకంగా చేపట్టిన కంటి వెలుగు పథకం దేశానికి ఆదర్శంగా నిలిచిందని రాజ్యసభ సభ్యుడు బడుగుల లింగయ్యయాదవ్‌ అన్నారు. మండల కేంద్రంలో గురువారం కంటి వెలుగు పథకాన్ని కలెక్టర్‌ వినయ్‌ క్రిష్ణారెడ్డితో కలిసి ఆయన ప్రారంభించి మాట్లాడారు. అధికారులు ప్రత్యేక బాధ్యతలు తీసుకొని ప్రతి ఒక్కరికీ నేత్ర పరీక్షలు చేయాలన్నారు. అవసరమైన వారికి కళ్లద్దాలు, శస్త్ర చికిత్సలు ప్రభుత్వమే ఉచితంగా కంటి ఆపరేషన్లు చేయిస్తుందన్నారు. ఈ కార్యక్రమంలో ఎంపీపీ పి.శేఖర్‌, జడ్పీటీసీ బి.స్వర్ణలత, ఎంపీడీఓ రమేశ్‌ దీన్‌దయాళ్‌, సర్పంచ్‌ జటంగి ముత్తమ్మ, వైస్‌ ఎంపీపీ మాధవి, మండల ప్రత్యేకాధికారి రంజిత్‌ పాల్గొన్నారు.
కంటి వెలుగు సద్వినియోగం చేసుకోవాలి : జడ్పీ చైర్మన్‌ బండ
నార్కట్‌పల్లి : ప్రభుత్వం ప్రతిష్టాత్మకంగా నిర్వహిస్తున్న రెండో విడుత కంటి వెలుగును ప్రజలు సద్వినియోగం చేసుకోవాలని జడ్పీ చైర్మన్‌ బండ నరేందర్‌ రెడ్డి సూచించారు. మండలంలోని అక్కెనపల్లి, ఎల్లారెడ్డిగూడెం గ్రామాల్లో గురువారం కంటి వెలుగు శిబిరాలను ఎంపీపీ సూదిరెడ్డి నరేందర్‌ రెడ్డితో కలిసి ప్రారంభించారు. ఈ సందర్భంగా మాట్లాడుతూ జడ్పీ చైర్మన్‌ మాట్లాడుతూ ప్రజా ప్రతినిధులు, అధికారులు సమన్వయంతో పనిచేసి కార్యక్రమాన్ని విజయవంతం చేయాలని సూచించారు. కార్యక్రమంలో వైస్‌ ఎంపీపీ కల్లూరి యాదగిరి, సర్పంచులు మేడి పుష్పలతాశంకర్‌, మల్లేశ్‌, చంద్రశేఖర్‌, ఎంపీటీసీలు మేకల రాజిరెడ్డి, కనుకు అంజయ్య, తాసీల్దార్‌ మురళి, ఎంపీడీఓ యాదగిరి, మెడికల్‌ ఆఫీసర్‌ అరుంధతి, మండల ప్రత్యేకాధికారి వెంకయ్య పాల్గొన్నారు.
అంధత్వ నివారణ కోసమే కంటి వెలుగు -ఎమ్మెల్యే భూపాల్‌రెడ్డి
నల్లగొండ : అంధత్వం నివారణ కోసమే రాష్ట్ర ప్రభుత్వం కంటి వెలుగు చేపట్టిందని కంచర్ల భూపాల్‌ రెడ్డి అన్నారు. పట్టణంలోని 42వ వార్డులోని ఐఎంఏ భవన్‌లో కలెక్టర్‌ వినయ్‌ క్రిష్ణారెడ్డితో కలిసి కంటి వెలుగును ప్రారంభించి అనంతరం కంటి పరీక్షలు చేయించుకున్నారు. ఈ సందర్భం గా ఎమ్మెల్యే కంచర్ల భూపాల్‌రెడ్డి, కలెక్టర్‌ వినయ్‌ క్రిష్ణారెడ్డి మాట్లాడుతూ ప్రజలు కంటి వెలుగు శిబిరాలను సద్వినియోగం చేసుకోవాలి సూచించారు. ఈ సందర్భంగా డీఎంహెచ్‌ఓ కొండల్‌ రావు కంటి వెలుగుపై రచించించిన పాటను ఎమ్మె ల్యే, కలెక్టర్‌ చేతుల మీదుగా ఆవిష్కరించారు. అలాగే కనగల్‌, తిప్పర్తి, నల్లగొండ మండలం దండంపల్లిలో ఎమ్మెల్యే కంచర్ల భూపాల్‌రెడ్డి కంటి వెలుగు శిబిరాన్ని ప్రారంభించారు. ఆయా కార్యక్రమాల్లో ఆర్డీఓ జయచంద్రారెడ్డి, జిల్లా గ్రంథాలయ సంస్థ చైర్మన్‌ రేగట్టె మల్లికార్జున్‌ రెడ్డి, మున్సిపల్‌ చైర్మన్‌ మందడి సైదిరెడ్డి, వైస్‌ చైర్మన్‌ అబ్బగోని రమేశ్‌, మున్సిపల్‌ కమిషనర్‌ కేవీ రమ ణాచారి, కనగల్‌లో ఎంపీపీ, జడ్పీటీసీలు కరీం పాషా, చిట్ల వెంకటేశం, సర్పంచ్‌ నర్సింగ్‌ సునీతాక్రిష్ణయ్య గౌడ్‌, జడ్పీ కో ఆప్షన్‌ సభ్యుడు జాన్‌ శాస్త్రీ, పీఏసీఎస్‌ చైర్మన్‌ దోటి శ్రీనివాస్‌, డాక్టర్లు వరూధిని, తేజస్విని, ఎంపీటీసీ పాలకూరి సైదు లు, తాసీల్దార్‌ శ్రీనివాస రావు, ఎంపీడీఓ సోమసుందర్‌ రెడ్డి, దండంపల్లిలో ఎంపీడీఓ శ్రీనివాస రెడ్డి, తాసీల్దార్‌ నాగార్జునరెడ్డి, సర్పంచ్‌ చింత పుష్పలత, ఎంపీఓ మాధవ రెడ్డి, నాయకులు దేప వెంకట్‌రెడ్డి, బకరం వెంకన్న, గాదె రాంరెడ్డి, సంకు ధనలక్ష్మి కౌన్సిలర్లు పబ్బు సాయిశ్రీ సందీప్‌, అభిమన్యు శ్రీనివాస్‌, కొండూరు సత్యనారాయణ, మాలె శరణ్యా రెడ్డి, సింగం లక్ష్మి, సందినేని జనార్దన్‌రావు పాల్గొన్నారు.
- తిప్పర్తి: గోదావరిగూడెంలో కంటివెలుగు శిబిరాన్ని ఎంపీపీ నాగులవంచ విజయలక్ష్మీలింగారావు ప్రారంభించారు. కార్యక్రమంలో సర్పంచ్‌ కడారి మంగమ్మ, ఎంపీటీసీ సందీప్‌ రెడ్డి, డాక్టర్‌ ప్రదీప్‌ బాబు పాల్గొన్నారు.
- శాలిగౌరారం: మండలంలోని ఆకారం, జాలోనిగూడెం గ్రామాల్లో కంటి వెలుగును జడ్పీటీసీ ఎర్ర రణీలాయాదగిరి ప్రారంభించారు. కార్యక్రమంలో ఎంపీడీఓ రేఖల లక్ష్మయ్య, తాసీల్దార్‌ శ్రీనివాస్‌రెడ్డి, సర్పంచ్‌ షేక్‌ కాశింబీ, కందాల సమరంరెడ్డి, ఎంపీటీసీ వలిశెట్టి చంద్రకళాదశరథ, మండల వైద్యాధికారి వెంకన్న, ఏఎంసీ వైస్‌ చైర్మన్‌ గుజిలాల్‌ శేఖర్‌బాబు బీఆర్‌ఎస్‌ మండలాధ్యక్షుడు ఐతగోని వెంకన్నగౌడ్‌, జహంగీర్‌, పోతుగంటి భిక్షపతి, చింత ధనుంజయ్య పాల్గొన్నారు.
ప్రతి ఒక్కరూ వినియోగించుకోవాలి ఎమ్మెల్యే కూసుకుంట్ల ప్రభాకర్‌రెడ్డి
మునుగోడు : అంధత్వ నివారణ కోసమే సీఎం కేసీఆర్‌ కంటి వెలుగును చేపట్టారని ఎమ్మెల్యే కూసుకుంట్ల ప్రభాకర్‌రెడ్డి అన్నారు. మండల కేంద్రంలో ఏర్పాటు చేసిన కంటి వెలుగు శిబి రాన్ని ఆయన ప్రారంభించి మాట్లాడారు. మన ఇంటి వద్దకే మన ఆరోగ్యం అనే నినాదంతో మన ముఖ్యమంత్రి కేసీఆర్‌ 100 రోజుల పాటు కంటివెలుగుకు శ్రీకారం చుట్టారన్నారు. కార్యక్రమంలో ఎంపీపీ కర్నాటి స్వామియాదవ్‌, నారబోయిన స్వరూపరాణి, సర్పంచ్‌ మిర్యాల వెంకన్న, నోడల్‌ అధికారి రాజేందర్‌రెడ్డి, ఎంపీడీఓ జానయ్య, తాసీల్దార్లు కృష్ణారెడ్డి, సైదులు, ఎంపీఓ సుమలత, డాక్ట ర్‌ జమీల్‌, వైస్‌ ఎంపీపీ అనంత వీణా,ఎంపీటీసీలు ఈద నిర్మల, బొడ్డు శ్రావణి పాల్గొన్నారు.
- నకిరేకల్‌: ఓగోడు గ్రామంలో కంటి వెలుగు శిబిరాన్ని జడ్పీటీసీ మాద ధనలక్ష్మీనగేశ్‌ గౌడ్‌ ప్రారంభించారు. శిబిరాన్ని డీఎంహెచ్‌ఓ కొండల్‌రావు, డిప్యూటీ డీఎంహెచ్‌ఓ వేణుగోపాల్‌రెడ్డిలు సందర్శించారు. కార్యక్రమంలో సర్పంచ్‌ అబ్బగోని విజయలక్ష్మీ శ్రీనివాస్‌, ఎంపీడీఓ లక్ష్మారెడ్డి, ఎంపీటీసీ లోడె సాగ ర్‌, వైద్యాధికారి యోగస్వీ పాల్గొన్నారు.
చందంపల్లిలో కంటి వెలుగు శిబిరాన్ని ఎంపీటీసీ కిశోర్‌ ప్రారంభించారు. శిబిరాన్ని కలెక్టర్‌ వినయ్‌కృష్ణారెడ్డి సందర్శించారు. తాసీల్దార్‌ ప్రసాద్‌ నాయక్‌, ఎంపీడీఓ లక్ష్మారెడ్డి, స్పెషల్‌ ఆఫీసర్‌ మాధవి పాల్గొన్నారు. - కట్టంగూర్‌: కట్టంగూర్‌లో కంటి వెలుగు శిబిరాన్ని ఎంపీపీ జెల్లా ముత్తి లింగయ్య, జడ్పీటీసీ తరాల బలరాములు ప్రారంభించారు. శిబిరాన్ని కలెక్టర్‌ వినయ్‌క్రిష్ణారెడ్డి, డీఎంహెచ్‌ఓ కొండల్‌రావు వేర్వేరుగా సందర్శించి ఏర్పాట్లు పరిశీ లిం చారు. కార్యక్రమంలో డీఆర్‌డీఓ పీడీ కాళిందిని, డిప్యూటీ డీఎంహెచ్‌ఓ వేణుగోపాల్‌రెడ్డి, తాసీల్దార్‌ దేశ్యానాయక్‌, ఎంపీడీఓ పోరెళ్ల సునీత, వైస్‌ ఎం పీపీ గడుసు కోటిరెడ్డి, పీఏసీఎస్‌ చైర్మన్‌ నూక సైదులు, మార్కెట్‌ కమిటీ వైస్‌ చైర్మన్‌ పోగుల నర్సింహ, సర్పంచ్‌, ఉప సర్పంచులు చెనగోని సతీశ్‌, అంతటి శ్రీను, వైద్యాధికారి శ్వేత పాల్గొన్నారు.
- నాంపల్లి : మండల కేంద్రంలో కంటి వెలుగును ఎంపీపీ ఏడుదొడ్ల శ్వేత, జడ్పీటీసీ ఎలుగోటి వెంకటేశ్వర్‌రెడ్డి ప్రారంభించారు. కార్యక్రమంలో తాసీల్దార్‌ లాల్‌బహుదూర్‌, ఎంపీడీఓ శేషుకుమార్‌, మండల ప్రత్యేకాధికారి శ్రీనివాస్‌, సర్పంచ్‌ కుంభం విజయ, డాక్టర్‌ ఇక్బాల్‌, ఉప సర్పంచ్‌ అశ్రభీ, రైతు బంధు సమితి మండల కన్వీనర్‌ ఏడుదొడ్ల రవీందర్‌రెడ్డి, బీఆర్‌ఎస్‌ రాష్ట్ర నాయకులు కుంభం కృష్ణారెడ్డి, ఊరుపక్క యాదయ్య పాల్గొన్నారు.
- చిట్యాల : చిట్యాల, వెలిమినేడు గ్రామాల్లో ము న్సిపల్‌ చైర్మన్‌ కోమటిరెడ్డి చిన వెంకట్‌రెడ్డి, ఎంపీపీ కొలను సునీతావెంకటేశ్‌ వేర్వేరుగా కంటి వెలుగు శిబిరాలను ప్రారంభించి మాట్లాడారు. కార్యక్రమంలో కమిషనర్‌ రాందుర్గారెడ్డి, మార్కెట్‌ కమిటీ చైర్మన్‌ జడల ఆదిమల్లయ్య, వైద్యాధికారులు కిరణ్‌కుమార్‌, మున్సిపల్‌ వైస్‌ చైర్మన్‌ కూరెళ్ల లింగస్వామి, కౌన్సిలర్లు కోనేటికృష్ణ, పందిరి గీత, జిట్ట పద్మ, బెల్లి సత్తయ్య, రెముడాల లింగస్వామి, సర్పంచ్‌ దేశబోయిన మల్లమ్మ, ఎంపీ టీసీలు స్వరూప, సత్తిరెడ్డి, కోఆప్షన్‌ సభ్యుడు పాటి మాధవరెడ్డి, ఎంపీఓ పద్మ పాల్గొన్నారు.
- చండూర్‌ : మండలంలోని కొండాపురంలో కంటి వెలుగు శిబిరాన్ని ఎంపీపీ పల్లె కల్యాణి, జడ్పీటీసీ కర్నాటి వెంకటేశం ప్రారంభించి మాట్లాడారు. కార్యక్రమంలో మండల ప్రత్యేకాధికారి సురేశ్‌, ఎంపీడీఓ యాకూబ్‌నాయక్‌, సర్పంచ్‌ బరిగెల యాదమ్మ, మెడికల్‌ ఆఫీసర్‌ రాజు, ఎంపీఓ స్వరూపారాణి పాల్గొన్నారు.
- మర్రిగూడ : మర్రిగూడ, వట్టిపల్లిలో కంటి వెలుగు శిభిరాలను ఎంపీపీ మెండు మోహన్‌రెడ్డి, జడ్పీటీసీ పాశం సురేందర్‌రెడ్డి ప్రారంభించారు. అనంతరం కంటి పరీక్షలు చేయించుకొని కళ్లద్దాలు తీసుకున్నారు. కార్యక్రమంలో తాసీల్దార్‌ శ్రీనివాస్‌రెడ్డి, ఎంపీడీఓ వెంకటేశ్వర్‌రావు, సర్పంచులు నల్ల యాదయ్య, కల్లు స్వాతీనవీన్‌రెడ్డి, మండల వైద్యాధికారి దీపక్‌, కోఆప్షన్‌ సభ్యుడు ఎండీ. యాకూబ్‌అలీ, ఏపీఎం హరి, ఎంపీఓ ఝాన్సీ, సూపర్‌వైజర్‌ విజయలక్ష్మి పాల్గొన్నారు.
Read Today's Latest Nalgonda News in Telugu and Telugu News
- Follow Us :
-
