Visit:
Vishwanath And Sons Teaser | తమిళ నటుడు సూర్య కథానాయకుడిగా వెంకీ అట్లూరి దర్శకత్వంలో రాబోతున్న ‘విశ్వనాథ్ అండ్ సన్స్’ చిత్రంపై సోషల్ మీడియాలో ఒక ఇంట్రెస్టింగ్ చర్చ నడుస్తోంది. గతంలో సూర్య నటించిన బ్లాక్ బస్టర్ హిట్ సినిమా ‘గజిని’లో క్లైమాక్స్లో కనిపించిన ఆ చిన్నారే ఇప్పుడు ‘విశ్వనాథ్ అండ్ సన్స్’లో హీరోయిన్గా నటిస్తున్న మమితా బైజు అంటూ ఒక వార్త వైరల్ అవుతోంది. అయితే ఈ ప్రచారంలో ఎంతమాత్రం నిజం ఉంది అనేది మాత్రం తెలియదు. ఇక ఈ క్రేజీ రూమర్ పుట్టడానికి ప్రధాన కారణం ‘విశ్వనాథ్ అండ్ సన్స్’లో సూర్య పోషిస్తున్న పాత్ర పేరు ‘సంజయ్ విశ్వనాథ్’ కావడమే. గజినిలో సూర్య పేరు సంజయ్ రామస్వామి కావడంతో, నెటిజన్లు సరదాగా ఆ పాత జ్ఞాపకాలను ఈ సినిమాతో ముడిపెడుతూ పోస్టులు పెడుతున్నారు.
మరోవైపు ఈ సినిమా విషయానికి వస్తే, దర్శకుడు వెంకీ అట్లూరి ఈ చిత్రాన్ని ఒక విభిన్నమైన ప్రేమకథగా రూపొందిస్తున్నారు. ఇందులో సూర్య 40 ఏళ్ల వయసున్న ప్రొఫెషనల్ షూటర్గా కనిపిస్తుండగా, మమితా బైజు 20 ఏళ్ల యువతిగా నటిస్తోంది. వీరిద్దరి మధ్య ఉన్న వయసు వ్యత్యాసం చుట్టూ సాగే ఎమోషనల్ డ్రామానే ఈ చిత్ర కథాంశం. ఇప్పటికే విడుదలైన టీజర్లోని డైలాగులు ప్రేక్షకులను విశేషంగా ఆకట్టుకుంటున్నాయి. రవీనా టాండన్, రాధికా శరత్కుమార్ కీలక పాత్రల్లో నటిస్తున్న ఈ చిత్రానికి జి.వి. ప్రకాష్ సంగీతం అందిస్తున్నారు. ఈ భారీ చిత్రం 2026 జూలైలో ప్రేక్షకుల ముందుకు రానుంది.
Really 🤯
Mamitha va idhu 🤔 pic.twitter.com/mZiqSgGGmw— OTT Trackers (@OTT_Trackers) March 17, 2026
